1 SAMUEL 7:9 - Sura' Madatu

⁹ Naalami Samuel tu anak domba sumusu misa’, napemalaran nasangi lako PUANG, la dadi pemala’ ditunu pu’pu’. Napassambayangammi Samuel tu to Israel lako PUANG, anNa tarimai PUANG tu palakunna.

1 SAMUEL 7:9 ပူးပေါင်းရင်းမြစ်များ

PA’PUDIAN 50:15

Sia meongli’ko lako Kaleku lan kapussakan, Aku la ungkarimmanniko, ammu pakala’bi’Na’. Sela

PA’PUDIAN 99:6

Iatu Musa sola Harun tama bilangan to minaanNa, na iatu Samuel tama bilanganna to umpengkamoyai sanganNa; mintu’i sola nasang pada meongli’ lako PUANG, sia Natanannimo talinga tu tau iato mai.

YEREMIA 15:1

Apa Nakua PUANG lako kaleku: Moi anna Musa sola Samuel bendan dio oloKu, tae’ duka nala unnalai penaangKu te bangsa iate; papallai tu tau iato mai dio mai oloKu, suai male.

SURA’ KATOMINAAN 22:27

Iake dadii tu anak sapi, ba’tu anak domba, ba’tu anak bembe’, la sisola bangpa indo’na pitung allo, apa randuk dio mai allo ma’pengkarua sia lendu’pa to, la Napopaiman PUANG dipopemala’ pantunu.

PA’TOLE 9:26

sia massambayangna’ lako PUANG. Ma’kadana’ kukua: O Puangku PUANG, da Mimangsanni te mai bangsaMi sia tau mana’Mi, tu Milendokan tete dio kapasareonganamMi sia Misolan lan mai Mesir tete dio lima mawatang.

YAKOBUS 5:16

Iamoto sipatukomi la sipangakuan kasalammi sia la sipassambayangankomi, ammi maleke. Iatu passambayangna to malambu’, tu napalantuk penaa, kapua kamatotoranna.

TO PARENGNGE’ 6:26

Mangkato pabendanko misa’ inan pemalaran lako PUANG, Kapenombammu, dao buntu ditambakuku iate; pasilolonganni tu inan iato, sia alai tu sapi laki ma’penduanna, ammu pemalaranni dadi pemala’ ditunu pu’pu’ umpokayu tutungan lentong dipodeatanna, tu la mulelleng.

TO PARENGNGE’ 6:28

Iatonna tibangka’ masiang, millikmi tu mintu’ pa’tondokan, natiroi tu inan pemalaranna Baal mangkamo dirondon, sia iatu lentong dipodeatanna, tu bendan dio lu, mangkamo dilelleng sia iatu sapi laki ma’penduan mangkamo dipemalaran dao inan pemalaran, tu mane mangka dibangun.

1 SAMUEL 10:8

La doloko rokko Gilgal, sia manassa la malena’ rokko umpessitammuiko, la umpemalaran pemala’ ditunu pu’pu’ sia untunu pemala’ kasalamaran. Ammu kampaina’ diong pitung allo sae lako rampoku umpokadangko tu apa sipatu la mupogau’.

1 SAMUEL 12:17

Tang pegandunganraka te totemo? La meongli’na’ langngan PUANG, anNa pasae guntu’ sia uran. Ammi issanni sia mitiroi kumua kapua dio oloNa PUANG tu kakadakean mipogau’, iamotu umpalakuangkomi kalemi misa’ datu.

1 SAMUEL 16:2

Apa nakua Samuel: Umba la kukua male? Iake narangii Saul, manassa napateina’. Nakuami PUANG: Baako misa’ anak sapi, ammu kuai: iate aku sae la memala’ lako PUANG.

1 SAMUEL 2:35

La Kupadenan Kaleku tu misa’ to minaa manappa’ sia iamo la umpogau’i tu apa lan penaangKu sia lan tangnga’Ku; Aku la umpabendananni misa’ banua matontongan sia tontong la lolang dio olona to Kutokko.

1 SAMUEL 7:17

Iake mangkaomi to suleomi lako Rama, belanna dio tu banuanna sia inde to nanii ullembanganni tu toean to ma’parenta lako to Israel; sia inde dukato dio nanii umpabendanan misa’ inan pemalaran PUANG.

1 SAMUEL 9:12

Mebalimi tu tau iato mai, nakua: Den, tiromi nato dio, dio tingayomi; melo ke madoi’-doi’komi, apa allo ia duka te rampomo tama kota, belanna allo iate umpogau’ pa’maruasan tu pa’tondokan dao tu inan madao.