1 SAMUEL 7:8 - Sura' Madatu

⁸ Ma’kadami tu mintu’ to Israel lako Samuel, nakua: Da mitorroi umpengkamoyangkan lako PUANG Kapenombangki, anna Ia urrampanangkan dio mai limanna to Filistin.

1 SAMUEL 7:8 ပူးပေါင်းရင်းမြစ်များ

YESAYA 37:4

Naperangii sia manii PUANG, Kapenombangki tu mintu’ kadanna kolonel, tu nasua puangna, datu Asyur, uparampoangki’, kumua anna be’sei tu Puang Matua matontongan, anNa ukungi Puang tu belanna kada iato Narangimo PUANG, Kapenombammi; melo ke mipassambayanganni tu to torro siapa, tu denna siapa.

YESAYA 62:1

Belanna Sion, anna tae’ kuma’pakappa sia belanna Yerusalem anna tae’ kutorroi ma’kada sae lako dellekna susi arrang masero tu kasalamaranna sia katilendokanna susi sulo marorrong.

YEREMIA 27:18

Iake la nabi tonganni tu tau iato mai sia iake sikambi’i kadanNa PUANG, melo ke mengkamoyai lako PUANGna mintu’ ma’dandan maritik, kumua anna iatu mintu’ pareanan tu torropa lan banuanNa PUANG sia lan banuanna datu Yehuda sia dio Yerusalem, damo nadibaa lako Babel.

YEREMIA 42:2

anna ma’kada tu tau iato mai lako nabi Yeremia, nakua: Iake nakalo’i penaammi tu pengkamoyaki, ammi passambayangkan lako PUANG, Kapenombammi sola te mintu’ tau, tu torronapa, belanna sidi’morakan torro dio mai tu mintu’ to buda, susite mitiro totemo.

YAKOBUS 5:16

Iamoto sipatukomi la sipangakuan kasalammi sia la sipassambayangankomi, ammi maleke. Iatu passambayangna to malambu’, tu napalantuk penaa, kapua kamatotoranna.