1 SAMUEL 7:6 - Sura' Madatu

⁶ Sirampunmi tu tau iato mai dio Mizpa, anna timba uai, nabolloanni dio oloNa PUANG. Allo iato ma’puasami tu tau iato mai, anna ma’kada inde to dio, nakua: Kasalanmokan lako PUANG. Umpalalomi toean to parengnge’ tu Samuel lako to Israel dio Mizpa.

1 SAMUEL 7:6 ပူးပေါင်းရင်းမြစ်များ

KADADIAN 31:49

Sia nasangai siapa Mizpa, belanna nakua: La Nakanandaiki’ PUANG patomalinta, ke tang sikitanammiki’.

2 SAMUEL 14:14

Inang la mate nasangki’ susito uai tibollo rokko padang, tu tae’ nadirampun. Apa tae’ Naalai Puang Matua tu katuoan, sangadinna Natangnga’, kumua anna iatu to ditibe, da natontong mambela dio mai Kalena.

1 DATU 8:47

sia iake napalan penaai tau iato mai tu apa iato lan tu tondok dinii male umpali’i, anna mengkatoba’ sia mengkamoya lako Kalemi lan tondokna tu to umpali’i sia ma’kada nakua: kasalammokan, umpogau’mokan kakadakean sia tang mekaalukmokan,

1 OSSORANNA DATU 11:18

Natamaimi pa’barani sola tallui tu inan surodadunna to Filistin, natimbai tu uai diong mai bubun dio Betlehem sikandappi’ babangan, namale umbanni Daud. Apa tae’ namorai tu Daud unniru’i, sangadinna nabolloan dio oloNa PUANG.

2 OSSORANNA DATU 20:3

Mataku’mi tu Yosafat, napamanassai la umpekutanan pa’timbanganNa PUANG; sia umpetamban misa’ kapa’puasan lan mintu’ tondok Yehuda.

NEHEMIA 9:27

Iamoto Misorongi tu tau iato mai tama limanna ualinna tu umpapussakki. Apa iatonna lan attu kapussakanna meongli’mi lako Kalemi, amMi perangii dao mai suruga, amMi kamasei to parampanan tete dio kamamasean kapuaMi, tu urrampanan tau iato mai lan mai limanna ualinna.

AYUB 16:20

Moi natelle-tellena’ tu mai sangmaneku, apa iatu matangku ma’palulako bang Puang Matua;

AYUB 3:24

Belanna dipasondana rotingku tu pekaindo’ku, sia iatu sarroku tibarrak susito uai.

AYUB 33:27

Pakalan napa’perangiammi lako tolino tu penanianna sia ma’kada nakua: Mangkamo’ kasalan sia umpakelok salunna, apa tae’ angku dipabala’i.

AYUB 40:4

Susiraka takia’Na Puang Matua tu takia’mu, sia ma’dinraka tu gamarammu gumaluntu’ susi gamaranNa Puang?

AYUB 42:6

Iamoto kuriu’ sulei tu kadangku, angku mengkatoba’ unno’ko’ diong to’ barra’-barra’ sia to’ au.

PA’PUDIAN 106:6

Mangkamokan kasalan susito doloki, sia umpogau’mokan kakadakean sia tang mekaalukmokan.

PA’PUDIAN 119:136

Iatu uai matangku lolong susi uai salossok, belanna tae’ tau umpengkaolai sukaran alukMi.

PA’PUDIAN 42:3

Ma’rang tu deatangku lako Puang Matua, ondongpi lako Puang Matua matontongan; ba’tu piran kula sae la mennolo dio oloNa Puang Matua?

PA’PUDIAN 6:6

Belanna lan kamatean tae’mo kapengkilalan lako Kalemi, sia lan lino to mate mindapa la umpudiKomi?

PA’PUDIAN 62:8

Lan Puang Matua nanii tu kasalamarangku sia kamala’birangku, iatu buntu batu matoto’ku sia pentirerungangku iamo Puang Matua.

YEREMIA 31:19

Iatongku kilalai tu a’gangku, menassanmo’, iatongku inaa-naai tu pasiruangku, ussa’pamo’ ara’ku; kasirisammo’, sia maila’, belanna untanggungna’ kaditattan tongku mangura.

YEREMIA 36:9

Iatonna taun ma’pellima kadatuanna Yoyakim, anakna Yosia, datu Yehuda tonna bulan ma’pengkasera, napa’peissanammi mintu’ to buda dio Yerusalem sia mintu’ to buda sae dio mai mintu’ kota Yehuda lako Yerusalem, kumua la ma’puasa dio oloNa PUANG.

YEREMIA 9:1

A’a, kenna la uai tu ulungku sia matangku susito kalimbuang, angku tangi’i ke allo ke bongi tu mintu’ to dipongko dio lu anakna baine bangsaku.

BATING 2:11

Saunanmo tu matangku tumangi’, iatu ba’tengku naponnoi kamagiangan, rantang tonganmo tu buaku napobua’ kasangganganna anak dara bangsaku, belanna iatu mai pia’-pia’ sia iatu mai ma’susunnapa tibambang ma’ipu dio lu tana lapang lan kota.

BATING 3:49

Iatu uai matangku tang tore sitana’takan, sia tang radan len,

BATING 5:16

Iatu makota tobangmo dao mai ulungki, upu’ alloki, belanna umpogau’mokan kasalan!

YEHEZKIEL 20:4

Morairokoka umpaolai salu tu tau iato, morairokoka ma’paolai salu, e ma’rupa tau? Paissanni tau iato mai tu mintu’ apa megallianna nene’ to dolona,

HOSEA 5:1

Perangii te, e kamu to minaa, sia parinaai te, e to Israel, sia tananni talinga, e kamu to lan banuanna datu! Belanna iatu kamu, la narampoikomi ukungan, belanna dadikomi poya lako Mizpa, sia misa’ dalla’ tiballa’ dao Tabor.

YOËL 2:12

Apa moi totemo den dukapa tu kadanNa PUANG, Nakua: Palantuk tonganni tu penaammi mengkatoba’ lako Kaleku situang ma’puasa sia tumangi’ sia umbating.

SURA’ KATOMINAAN 16:29

Iamote tu la dadi atoran matontongan lako kalemi kumua: Ianna bulan ma’pempitu sia allo bunga’na bulan iato la umpamadiongangkomi penaammi, da mimengkarang, moi misa’ pengkarangan da mikarangi, la to Israel, iamotu pa’tondokan, la to sae tu torro dio lu kalemi.

SURA’ KATOMINAAN 26:40

Apa iake naakui tu kakelokanna sia iatu kakelokanna nene’ to dolona, belanna katangmarurusanna, nanii umpogau’ tang maruru’ lako Kaleku sia ia duka tu naeaNa’ –

LUKAS 15:18

La ke’de’na’ kuloo umpellambi’i ambe’ku, kukuamora lako: O ambe’, kasalammo’ lako Puang Matua sia lako kalemi.

YOSUA 18:26

Mizpa, Kefira, Moza,

TO PARENGNGE’ 10:10

Attu iato metambami tu mintu’ to Israel langngan PUANG, nakua: Kasalammokan lako Kalemi, belanna kiboko’imo tu Kapenombangki sia kipenombaimo tu mintu’ Baal.

TO PARENGNGE’ 10:15

Ma’kadami tu to Israel lako PUANG, nakua: Umpogau’mokan kasalan. Pogau’ bangmi lako kaleki tu Misanganna melo, podo Mirampanangkan te allo iate!

TO PARENGNGE’ 2:4

Iatonna mangkamo tu Malaeka’Na PUANG ma’kada susito lako mintu’ to Israel, randukmi tu bangsa iato unnurruk-urruk tumangi’.

TO PARENGNGE’ 20:23

Malemi tu to Israel, anna tumangi’ dio oloNa PUANG sae lako makaroenna, anna mekutana lako PUANG nakua: Ma’dinra’ka la male pole’ sirari bati’na Benyamin, siulu’ku? Nakuami PUANG: Ke’de’mokomi urrarii.

TO PARENGNGE’ 20:26

Mangkato malemi tu mintu’ to Israel, iamotu mintu’ bangsa, anna rampo lako Betel; torromi inde to dio anna tumangi’ dio oloNa PUANG, nama’puasa allo iato sae lako makaroenna sia umpemalaran pemala’ ditunu pu’pu’ sia pemala’ kasalamaran dio oloNa PUANG.

TO PARENGNGE’ 3:10

Narampoimi PenaanNa PUANG tu Otniel, iamoto narengnge’i tu to Israel, anna tassu’ parari. Nasorongmi PUANG tu Kusyan-Risyataim, datu Aram, tama limanna, naurungan ussau’i tu Kusyan-Risyataim.

1 SAMUEL 1:15

Apa mebali tu Hana nakua: Tae’ nasusito, o tuang, sangadinna aku te misa’ to tarru’ mapa’dik; tae’ angku iru’ uai anggoro’ ba’tu diiru’na tu melangona, sangadinna umbarrakanna’ mintu’ apa lan penaangku dio oloNa PUANG.

1 SAMUEL 10:17

Mangkato natambaimi Samuel tu mintu’ tau sirampun lako PUANG dio Mizpa,

1 SAMUEL 12:10

Attu iato metamba-tambami lako PUANG, nakua: Kasalammokanni, belanna kitampemo tu PUANG angki menomba lako mintu’ Baal sia Astoret; melo ke Milendokammokan totemo lan mai limanna ualingki, angki menomba lako Kalemi.

1 SAMUEL 7:15

Iatu Samuel urrengnge’ to Israel lan mintu’ allo katuoanna.