1 SAMUEL 7:4 - Sura' Madatu

⁴ Natibemi to Israel tu mintu’ Baal sia Astoret, nalako mannamo PUANG nanii menomba.

1 SAMUEL 7:4 ပူးပေါင်းရင်းမြစ်များ

1 DATU 11:33

Belanna natampeMo’, anna tukku menomba lako Astoret, deata baine to Sidon, sia lako Kamos, deatanna to Moab, sia lako Milkom, deatanna to Amon, sia tae’ anna lolang unturu’ lalanKu, sia tae’ napogau’ apa malolo dio pentiroKu, iamotu apa Kupondok sia Kupa’parentan, susi Daud, ambe’na.

1 DATU 11:5

Susimoto tu Salomo umpenombai Astoret, deatanna baine to Sidon sia Milkom, apa megallianna to Amon.

1 DATU 8:48

sia iake lantukki tu tau iato mai mengkatoba’ situang mintu’ deatanna lan tondokna mintu’ ualinna tu umpali’i, sia iake massambayangi lako Kalemi mentingo lako tondok iate, tu mangka Mikamasean nene’ to dolona, sia lako kota iate, tu mangka Mipilei langsa’ sia lako banua iate, tu mangka kubangunan sangamMi,

2 DATU 23:15

Sia ia duka tu inan pemalaran dio Betel, – iamotu inan madao dinii memala’ tu napabendan Yerobeam, anakna Nebat, tu ussua to Israel umpogau’ kasalan –, narondonni, iamotu inan pemalaran sola inan madao. Iatu inan madao iato naballa, sia nanisak-nisak nadadi au sia naballa tu lentong kayu dipodeata.

HOSEA 14:3

Saemokomi umparampoi tu pangakuan kasalan, sia mengkatoba’ lako PUANG, ammi ma’kada lako Kalena kumua: Pa’dei nasangi tu mintu’ kakadakeangki, ammi katuru-turuikan; kipennoloammo tu pangakuan dio randan pudukki butung to sapi laki dipangurrandean.

HOSEA 14:8

Tau iato mai, tu torro umpentionganni, natananni pole’ gandung. Ondongpi la menta’bi susitu garonto’ anggoro’, nakalelean susito uai anggoro’ Libanon.

TO PARENGNGE’ 2:11

Napogau’mi to Israel tu apa kadake dio pentiroNa PUANG sia umpengkaolaimo mintu’ Baal.

TO PARENGNGE’ 2:13

Iake naboko’imi tu PUANG sia umpengkaolaimo Baal sola mintu’ Astoret,

1 SAMUEL 7:3

Attu iato ma’kadami tu Samuel lako mintu’ to Israel, nakua: Iake lantuk tonganni penaammi mengkatoba’ lako PUANG, la mitibe tu mintu’ rapang-rapang dipodeata dio mai kalemi, susi dukato tu mintu’ Astoret sia la mipopennolo lako PUANG tu penaammi sia Ia manna la mipenombai, na ia ke susito, Iamo la ullendokankomi dio mai limanna to Filistin.

1 SAMUEL 7:5

Mangkato nakuami Samuel: Rampunni tu mintu’ to Israel lako Mizpa, angku pengkamoyangkomi lako PUANG.