1 SAMUEL 7:3 - Sura' Madatu

³ Attu iato ma’kadami tu Samuel lako mintu’ to Israel, nakua: Iake lantuk tonganni penaammi mengkatoba’ lako PUANG, la mitibe tu mintu’ rapang-rapang dipodeata dio mai kalemi, susi dukato tu mintu’ Astoret sia la mipopennolo lako PUANG tu penaammi sia Ia manna la mipenombai, na ia ke susito, Iamo la ullendokankomi dio mai limanna to Filistin.

1 SAMUEL 7:3 ပူးပေါင်းရင်းမြစ်များ

KADADIAN 35:2

Nakuami Yakub lako repokna sia mintu’ to nasolan: Tibei tu mintu’ balo’ to salian lembang dio mai kalemi sia seroi tu kalemi sia sondai mintu’ tamangkalemi.

1 DATU 11:33

Belanna natampeMo’, anna tukku menomba lako Astoret, deata baine to Sidon, sia lako Kamos, deatanna to Moab, sia lako Milkom, deatanna to Amon, sia tae’ anna lolang unturu’ lalanKu, sia tae’ napogau’ apa malolo dio pentiroKu, iamotu apa Kupondok sia Kupa’parentan, susi Daud, ambe’na.

1 DATU 8:48

sia iake lantukki tu tau iato mai mengkatoba’ situang mintu’ deatanna lan tondokna mintu’ ualinna tu umpali’i, sia iake massambayangi lako Kalemi mentingo lako tondok iate, tu mangka Mikamasean nene’ to dolona, sia lako kota iate, tu mangka Mipilei langsa’ sia lako banua iate, tu mangka kubangunan sangamMi,

2 DATU 17:39

Sangadinna la mipakaraya tu PUANG, Kapenombammi; iake susito Puang duka la urrampanankomi dio mai limanna ualimmi.

2 DATU 23:15

Sia ia duka tu inan pemalaran dio Betel, – iamotu inan madao dinii memala’ tu napabendan Yerobeam, anakna Nebat, tu ussua to Israel umpogau’ kasalan –, narondonni, iamotu inan pemalaran sola inan madao. Iatu inan madao iato naballa, sia nanisak-nisak nadadi au sia naballa tu lentong kayu dipodeata.

1 OSSORANNA DATU 22:19

Totemo la mipakalebu tallang tu penaammi sia deatammi la umpengkaolai PUANG, Kapenombammi. Iamoto sangtiangkarangkomi la umbangunni tu inan maindanNa PUANG Kapenomban, anna iatu patti basseNa PUANG sia mintu’ pareanan maindanNa Puang Matua ma’din dibaa lako banua iato, tu dipabendanan sanganNa PUANG.

1 OSSORANNA DATU 28:9

Na iko, e Salomo, anakku, la mutandai tu Kapenombanna ambe’mu sia ponno penaammu sia masorok ba’tengmu la umpengkaolai, belanna Nasudi PUANG tu mintu’ penaa sia Natarru’ tu mintu’ apa ditangnga’, Iake mudaka’I tu Puang, inang la Naelorangko unnappa’I, apa iake muboko’I, la Natibeko sae lakona.

2 OSSORANNA DATU 19:3

Moi susito den duka sia dio kalemi tu ba’tu pira-pira kameloan, belanna iatu mai lentong dipodeata miputtai lan mai tondok sia mipabatta’ tu penaammi undaka’ Puang Matua.

2 OSSORANNA DATU 20:33

Ia manna tu inan madao, tu dinii memala’, tae’ naputtai, sia iatu penaanna to buda tae’pa napalulakoi Kapenombanna nene’ to dolona.

2 OSSORANNA DATU 30:19

tu mintu’ to umpasakka’ penaanna la undaka’ Puang Matua, iamotu PUANG, Kapenombanna nene’ to dolona, moi anna tang sitinaya kamaseroan tu sipatu lako apa maindan.

SARAMBU PEADA’ 16:1

Iatu tolino ba’tu pira-pira tu pa’timbangan lan penaanna, apa iatu pebalinna lila bu’tu lu dio ia mai PUANG.

YESAYA 55:7

Melo ke untampei lalanna tu to tang mekaaluk sia untampe tangnga’na tu to kelok penaanna, anna mengkatoba’ lako PUANG, Nakaturu-turui Puang, sia mengkatoba’ lako Kapenombanta, belanna inang mamase liu ma’pagarri’.

YEREMIA 24:7

Sia la Kukamasean penaa la untandaiNa’, kumua Akumote tu PUANG, anna tau iato mai dadi taungKu sia Akumo dadi Kapenombanna, podo namengkatoba’ lako Kaleku sae rokko penaanna.

YEREMIA 36:3

Den sia manii upa’ naperangii bangsa Yehuda tu mintu’ kamandasan tu Kusanga la Kuparampoanni, anna pada mengkatoba’ tu tau iato mai dio mai lalan kakadakeanna, angKu pa’dei kakadakeanna sia kasalanna.

YEREMIA 4:1

Iake la mengkatoba’ko e Israel, kadanNa PUANG, ma’dinko sule lako Kaleku sia ia ke mutibei tu apa megallian dio mai pentiroKu, manassa tae’mo mula mallai,

YEHEZKIEL 14:6

Iamoto pokadanni to Israel, kumua: Inde sia tu kadanNa Puangta PUANG Nakua: Mengkatoba’komi sia tibalikkomi dio mai mintu’ rapang-rapang dipodeatammi sia toyangkomi dio mai tu mintu’ apa megalliammi.

YEHEZKIEL 18:31

Tibei dio mai kalemi tu sala mangka mipogau’, ammi ba’rui tu ba’tengmi sola penaammi. Ma’apari ammi la matera, e to Israel?

HOSEA 14:1

Iatu Samaria la umpassanni tu salana, belanna pabali-balimo lako Kapenombanna. La tibambang tu tau iato mai nakande pa’dang sia la dipessambakan tu mai anak bitti’na sia iatu mai baine ma’tambukna la ditesse tu pa’tambukanna.

MATIUS 15:8

Manassa iate tau iate pudukna manna ungkasiri’Na’, apa iatu penaanna tae’ nalattu’ lako Kaleku.

MATIUS 4:10

Pakalan Nakuami Yesu lako: Sumarombonko mallai, e deata bulituk, belanna den disura’ kumua: La menombako lako Puang Totumampamu sia Ia mammo mupekapuangi.

MATIUS 6:24

Tae’ misa’ kaunan ma’poperuranni lako da’dua puangna, belanna tae’ nasalai tang nakasorro tu misa’na, naporai tu misa’, ba’tu la’ka’ lakoi misa’na nasarroanni tu misa’na. Tae’ mima’din umpekapuangi Puang Matua mipengkaolai dukai tu Mamon.

LUKAS 4:8

Mebali Yesu lako Nakua: Lan Sura’Na Puang Matua nakua: La menombako lako Puang Kapenombammu sia Ia mammo mupekapuangi.

YOHANES 4:24

Iatu Puang Matua Penaa Ia: dadi iatu to umpenombai, sipatu la menomba lan ia penaa tu tonganna.

PA’TOLE 10:20

La mukataku’ tu PUANG Kapenombammu, sia la mupengkaolai sia la’ka’ko lako sia umpalaoko sumpa tete dio sanganNa.

PA’TOLE 13:4

La mituru’ tu PUANG, Kapenombammi, sia mikataku’, sia la mikaritutui tu pepasanNa sia la miperangii tu kadanNa, iamotu la mipenombai sia la’ka’komi lako.

PA’TOLE 4:29

Ammu daka’i dio tu PUANG, Kapenombammi, ammu kabu’tui, ke kalebu tonganni penaammu sia deatammu male undaka’I.

PA’TOLE 6:13

Iatu PUANG, Kapenombammu, la mukataku’ sia la mupengkaolai sia la umpalaoko sumpa tete dio sanganNa.

YOSUA 13:31

Sia sesena Gilead sia Astarot sia Edrei, iamotu kota kadatuanna Og dio Basan napotaa bati’na Mahir, anakna Manasye, iamotu sesena napotaa bati’na Mahir unturu’ mintu’ sukunna.

YOSUA 24:14

Iamoto la mikasiri’ tu PUANG sia la mipenombai situang penaa lantuk sia maruru’, ammi boko’i tu mintu’ deata tu napenombai nene’ to dolomi sambalinna lu Salu sia dio Mesir, ammi pengkaolai PUANG.

YOSUA 24:23

Totemo boko’imi tu mintu’ deatanna to salian bangsa tu misisolan, sia popa’mirringi tu penaammi lako PUANG, Kapenombanna to Israel.

TO PARENGNGE’ 10:16

Iatu rapang-rapang dipodeata dio lu tau iato mai natibemo, anna umpengkaolai PUANG; attu iato tang masemo penaanNa Puang untiroi tu kamandasanna to Israel.

TO PARENGNGE’ 10:6

Napogau’ pole’omi to Israel tu apa kadake dio pentiroNa PUANG; umpenombai tu mintu’ Baal sia Astoret sia kapenombanna Aram, Sidon sia Moab, sia kapenombanna to Amon sia to Filistin, apa iatu PUANG naboko’imo sia tae’mo napengkaolai.

TO PARENGNGE’ 2:11

Napogau’mi to Israel tu apa kadake dio pentiroNa PUANG sia umpengkaolaimo mintu’ Baal.

TO PARENGNGE’ 2:13

Iake naboko’imi tu PUANG sia umpengkaolaimo Baal sola mintu’ Astoret,

1 SAMUEL 31:10

Mintu’ tu pa’bunona Saul napalan banua pa’deatan Astoret sia iatu batang rabukna natoke’ dio rinding tembo’ tondok Bet-Sean.