1 SAMUEL 7:17 - Sura' Madatu

¹⁷ Iake mangkaomi to suleomi lako Rama, belanna dio tu banuanna sia inde to nanii ullembanganni tu toean to ma’parenta lako to Israel; sia inde dukato dio nanii umpabendanan misa’ inan pemalaran PUANG.

1 SAMUEL 7:17 ပူးပေါင်းရင်းမြစ်များ

KADADIAN 33:20

Indemoto nanii umpabendan misa’ inan pemalaran, nasangai: Kapenombanna Israel tu Kapenomban tongan.

KADADIAN 35:7

Indemo to nanii unggaragai tu misa’ inan pemalaran na iatu inan iato nasangai El-Betel, belanna indemo to Nanii Puang Matua umpaombo’ Kalena lako tonna mallai tu Yakub dio mai kakanna.

YESAYA 10:29

Tau iato mai unnola kumila’: Geba tanii ma’bongi; anna ma’parondo tu Rama; mallai duka tu pa’tondokan Gibea-Saul.

TO PARENGNGE’ 4:5

Biasamo unno’ko’ diong to’ koroma Debora dio kasiallaranna Rama na Betel dao buntu Efraim; rampomi tu mintu’ to Israel lako kalena la dipaolai salu tu kara-karana.

TO PARENGNGE’ 6:24

Inde to dio nanii Gideon umpabendananni PUANG tu misa’ inan pemalaran, anna sangai: PUANGmo tu oto’na kasalamaran. Bendanpa tu inan pemalaran iato sae lako allo iate dio Ofra, tondokna to Abiezer.

1 SAMUEL 1:1

Denmi misa’ muane dio mai Ramataim-Zofim, iamotu dio mai buntu Efraim, disanga Elkana, anakna Yeroham, anakna Elihu, anakna Tohu, anakna Zuf, misa’ to Efraim.

1 SAMUEL 1:19

Tonna masiangna to millik kale’mi tu tau iato mai anna menomba dio oloNa Puang, anna sule lako banuanna dio Rama. Sangampa’mi Elkana tu Hana, bainena, sia Nakilalai dukamo PUANG.

1 SAMUEL 11:15

Male nasangmi tu bangsa iato lako Gilgal unnangka’ Saul dadi datu dio oloNa PUANG dio Gilgal sia napemalaran inde to tu pemala’ kasalamaran dio oloNa PUANG; parannu-rannumi tu Saul inde to dio sola mintu’ to Israel lendu’ marua’na.

1 SAMUEL 14:35

Napabendanammi Saul misa’ inan pemalaran tu PUANG; iamote tu inan pemalaran bunga’na napabendanan PUANG.

1 SAMUEL 15:34

Mangkato malemi tu Samuel lako Rama, nasule tu Saul lako banuanna dio Gibea-Saul.

1 SAMUEL 2:11

Mangkato, sulemi tu Elkana lako banuanna dio Rama, apa iatu pia iato torro umpogau’ toena lako PUANG napatudu to minaa Eli.

1 SAMUEL 28:3

Iatu Samuel matemo namintu’ to Israel ma’pote dibolong, anna lamunni dio Rama, tondokna. Naali’mi Saul lan mai tondok tu mintu’ to sola-sola bombo sia mintu’ to pakita-kita.

1 SAMUEL 8:4

Iamoto anna sirampun tu mintu’ pekaamberan to Israel, anna male nasang mennolo lako Samuel dio Rama.

1 SAMUEL 9:12

Mebalimi tu tau iato mai, nakua: Den, tiromi nato dio, dio tingayomi; melo ke madoi’-doi’komi, apa allo ia duka te rampomo tama kota, belanna allo iate umpogau’ pa’maruasan tu pa’tondokan dao tu inan madao.