1 SAMUEL 7:12 - Sura' Madatu

¹² Attu iato naalami Samuel tu batu misa’ napabendanni dio kasiallaranna Mizpa na Yesana sia nasangai Eben-Haezer, anna ma’kada nakua: Rampo indete Nanii PUANG untunduiki’.

1 SAMUEL 7:12 ပူးပေါင်းရင်းမြစ်များ

KADADIAN 22:14

Nasangaimi Abraham tu inan iato: PUANG umpadenni. Iamoto anna sae lako totemo nakua tu tau: Dao buntu Nanii PUANG la umpadenni.

KADADIAN 35:14

Naosokmi Yakub misa’ tanda dianna batu silambi’ dio to’ inan Nanii Puang ma’kada lako kalena, iamo batu, tu misa’ tanda dianna batu silambi’ anna pato’doi anggoro’ dipennoloan sia nabolloi minna’.

PA’PUDIAN 71:17

O Puang Matua, Miada’imo’ tempon dio mai bitti’ku, nasae lako totemo kupa’peissanan tu mintu’ penggauran kalle-kalleamMi.

PA’PUDIAN 71:6

Mati’ri Kalemi kunii sande’ tempon ditibussanangku, sia Kamuri tu umpatibongso’na’ lan mai pa’tambukanna indo’ku; mati’ri Kalemi nanii tontong kapa’pudi-pudiangku.

KATASSURAN 17:15

Napabendanni Musa tu misa’ inan pemalaran, anna sangai: PUANGmo tu kupobandera!

YESAYA 19:19

Attu iato la den lan Mesir tu misa’ inan pemalaran lako PUANG sia dio passaparanna la diosok tu batu dipobatu silambi’ diona PUANG.

PENGGAURANNA RASULU’ 26:22

Apa belanna ungkabu’tuimo’ pa’tunduan dio mai Puang Matua sae lako te allo iate, angku ke’de’ siapa ungkatottongi dio tingayona mintu’ tau, nala to bitti’ nala to kapua, sia tae’ kupokadai tu apa senga’, sangadinna napokadannapi tu mai nabi sia Musa, tu la dadi undinna,

2 KORINTUS 1:10

tu mangka ullendokangkan dio mai kamatean susi mapai’na to, sia la urrampanangkan undinna. Iamo kirannuan kumua Ia la urrampanan pole’kan,

YOSUA 4:9

Sia napabendan duka Yosua tu batu sangpulo dua lan tangnga Yordan, dao inan nanii mellese to minaa, tu umbulle patti basse; iatu batu iato tontong dio sae lako allo iate.

1 SAMUEL 14:35

Napabendanammi Saul misa’ inan pemalaran tu PUANG; iamote tu inan pemalaran bunga’na napabendanan PUANG.

1 SAMUEL 4:1

Iatu kadanna Samuel landa’ lako mintu’ to Israel. Tassu’mi tu to Israel umpessitammui to Filistin la sirari, anna pabendanni tu tendana sikandappi’ Eben-Haezer, na iatu to Filistin umpabendan tendana sikandappi’ Afek.

1 SAMUEL 5:1

Naalami to Filistin tu pattinNa Puang Matua, nabaai dio mai Eben-Haezer lako Asdod.

1 SAMUEL 7:11

Tassu’mi tu to Israel lan mai Mizpa, naula’i tu to Filistin, nataloi sae lako rokkona Bet-Kar.