1 SAMUEL 7:10 - Sura' Madatu

¹⁰ Iatonna marassan Samuel umpemalaran pemala’ ditunu pu’pu’, ta’kala saemi tu to Filistin la urrarii to Israel, apa allo ia dukato gumalugu tu PUANG, metakuran tu guntu’Na lako to Filistin; Napamarambai tu tau iato mai, naurunganni natalo to Israel.

1 SAMUEL 7:10 ပူးပေါင်းရင်းမြစ်များ

PA’PUDIAN 18:15

Napa’panan tu tinaranNa anNa pasisarak-sarakki tu tau iato mai, Napellebaranni tu kila’ sia Napasisarambuan tu tau iato mai.

PA’PUDIAN 29:3

Iatu gamaranNa PUANG gumalugu dao lu uai, iatu Puang Matua sumpu mala’bi’ umpamagaluntu’ guntu’, Iamotu PUANG untongkonni mintu’ uai buda.

PA’PUDIAN 29:4

Iatu gamaranNa PUANG kapua paanna, sia iatu gamaranNa PUANG naepun kamala’biran.

PA’PUDIAN 78:66

Nasambakki dio mai boko’ tu mintu’ ualinNa, sia Naparampoi kamatunan tang pa’de-pa’de.

ZAKHARIA 4:6

Ma’kadami lako kaleku nakua: Inde sia tu kadanNa PUANG lako Zerubabel Nakua: Tangia tete dio kamatotoran sia tangia tete dio kamasa’garan, sangadinna tete dio PenaangKu, kadanNa PUANGna mintu’ ma’dandan maritik.

PA’TOLE 28:7

Iatu PUANG la ussorong ualimmu, tu unneako, dio tingayomu, ammu taloi. Sangbambari tu lalan la nanii sae unneako, apa pitu tu lalan nanii mallai tu tau iato dio mai tingayomu.

YOSUA 10:10

Napatangma’rundunammi PUANG tu tau iato dio tingayona to Israel, naurungan napissanni natalo tu tau iato dio Gibeon sia naula’ ma’palulako tanete mellombokna dio Bet-Horon sia natalo sae lako Azeka sia Makeda.

TO PARENGNGE’ 4:15

Napapussakmi PUANG tu Sisera sola tu mintu’ karetana sia mintu’ surodadu diona kanatiroanna tu pa’dang tinonok dio tingayona Barak, iamoto namengkalao tu Sisera dao mai karetana, anna mallai ma’lalan bang.

TO PARENGNGE’ 5:20

Dao duka mai langi’ parari tu bintoen, tassu’ lan mai lalanna ullaoi Sisera.

TO PARENGNGE’ 5:8

Iake napilei tau iato mai tu kapenomban ba’ru, dio bangmo babangan tu tananan ra’. Denraka ombo’ misa’ balulang ba’tu doke, dio lu patangpulo sa’bu to Israel?

1 SAMUEL 12:17

Tang pegandunganraka te totemo? La meongli’na’ langngan PUANG, anNa pasae guntu’ sia uran. Ammi issanni sia mitiroi kumua kapua dio oloNa PUANG tu kakadakean mipogau’, iamotu umpalakuangkomi kalemi misa’ datu.

1 SAMUEL 14:15

Dadimi misa’ katirambanan lan lu to’ tenda surodadu sia dio lu padang sia dio lu to’ to buda; sia tiramban duka tu surodadu ma’kampa sia ia duka tu mai surodadu mangrampa sangbaanan; ondong pissanpi tigega’ tu mintu’ tondok, naurungan susi misa’ katirambanan dio mai Puang Matua.

1 SAMUEL 2:10

Minda-minda sigaga PUANG, la disanggang; la gumaluntu’ tu Puang lako kalena dao mai langi’. PUANG umpaolai salu tu mintu’ randan langi’, Ia la ungkamaseanni kamawatangan tu datunNa, sia la umpataranggai tandukna tu to Natokko.

1 SAMUEL 7:11

Tassu’mi tu to Israel lan mai Mizpa, naula’i tu to Filistin, nataloi sae lako rokkona Bet-Kar.