1 SAMUEL 7:1 - Sura' Madatu

¹ Saemi tu to Kiryat-Yearim unnalai tu pattinNa PUANG, anna baai langngan banuanna Abinadab, tu dao tanete, anna pamaindanni tu Eleazar, anakna, anna ia ungkampai tu pattinNa PUANG.

1 SAMUEL 7:1 ပူးပေါင်းရင်းမြစ်များ

1 OSSORANNA DATU 13:3

La tapalele tu pattinNa Kapenombanta lako tondokta, belanna tonna linona Saul tae’ tapoapa lenni.

PA’PUDIAN 132:6

Tarangimo tu karebanna dio Efrata, sia taappa’mo dio padang Yaar.

YESAYA 52:11

Ke’de’komi, ke’de’komi, tassu’komi dio mai; da mirumbui lako tu apa maruttak, tassu’komi lan mai tondok iato, seroi kalemi, e kamu to umbulle pareaNa PUANG.

YOSUA 18:14

Namane tilekko tu anggenna nasepang ma’palusau’, rampe matampu’na buntu, tu lo’na lu Bet-Horon rampe matallo, na iatu tampakna ma’palulako Kiryat-Baal, iamotu Kiryat-Yearim, misa’ kota lili’na to Yehuda. Iamoto tu rampe matampu’na lili’na.

YOSUA 9:17

Belanna iatu to Israel ke’de’, anna rampo lako kotana tonna allo ma’pentallun; iatu kotana tau iato mai iamotu Gibeon Kefira, Beerot na Kiryat-Yearim.

1 SAMUEL 6:21

Nasuami tu pesua lako to Kiryat-Yearim umpokadai kumua: Nabaamo to Filistin sule tu pattinNa PUANG, malekomi rokko ammi baai diong mai.

1 SAMUEL 7:2

Temponna dio Kiryat-Yearim tu patti iato den ba’tu pirang-pirang taun lendu’na, sae lako duangpulo taunna, namane mintu’ to Israel sumarro namengkaola lako PUANG.