1 SAMUEL 6:7 - Sura' Madatu

⁷ Garagami misa’ kareta ba’ru ammi ala indo’ sapi da’dua tu umpasusunnapa anakna, tu tae’ bangpa nadipapassanni ayoka; pariu’imi sapi tu kareta, ammi pasulei tu anakna dio mai boko’na tama bala.

1 SAMUEL 6:7 ပူးပေါင်းရင်းမြစ်များ

2 SAMUEL 6:3

Nabaami tu pattinNa Puang Matua napadaoi misa’ kareta ba’ru; naala lan mai banuanna Abinadab dao tanete, namale Uza sola Ahyo, anakna muane Abinadab, umbaai.

1 OSSORANNA DATU 13:7

Nabaami tu pattinNa Puang Matua, napadao misa’ kareta ba’ru lan mai banuanna Abinadab, namale Uza sola Ahyo umbaai tu kareta iato.

KADIBILANGAN 19:2

Inde sia tu atoran sukaran aluk tu Napepasanan PUANG, kumua: Pokadanni to Israel, kumua la nabangko misa’ sapi birang mararang, tu tang tattan, sia tang dipapassannipa ayoka.

PA’TOLE 21:3

Iatu pekaamberanna kota, tu nasikandappiran to mate dipongko, la unnala misa’ anak sapi, tu tang dioongpa sia tang umpassanpa ayoka.

PA’TOLE 21:4

La nabaa pekaamberanna kota iato tu anak sapi rokko lombok, tu nanii tontong lolong uainna, tu tang dikarang sia tang diambo’i, sia indemoto diong lombok, la nanii untotoi tu sokkongna anak sapi iato.