1 SAMUEL 6:5 - Sura' Madatu

⁵ Iamoto garagaimi tu rapang-rapang kelemi sia rapang-rapang balao, tu ussanggangi pa’padangan sia pakala’bi’I tu Kapenombanna to Israel; Napamaringngan siai manii tu limanNa unti’tin kalemi sola nasang sia mintu’ deatammi sia tondokmi.

1 SAMUEL 6:5 ပူးပေါင်းရင်းမြစ်များ

1 OSSORANNA DATU 16:28

E pa’rapuanna mintu’ bangsa, palulakoi PUANG, Palulakoi PUANG tu kadipangkeran sia akui tu kuasanNa.

1 OSSORANNA DATU 16:29

Palulakoi PUANG tu kamala’biranna sanganNa, Pennoloanni tu pemala’ sia menombakomi dio oloNa. Tukkukomi menomba lako PUANG umpokassa’ pakean maindan.

PA’PUDIAN 18:44

MangkamoKomi urrampananna’ dio mai kasipakkanna to buda, sia Mipopangulunnamo’ ba’tu pira-pira bangsa; iatu bangsa tang kuperambu sae duka mengkaunan lako kaleku.

PA’PUDIAN 32:4

Belanna keallo kebongi mabanda’ tu limamMi unta’paina’, iatu utak buku lampaku silelemo marangke sangtinti ke pealloanni. Sela

PA’PUDIAN 39:10

Ma’loko-lokomo’, tae’mo kubungka’ len pudukku, belanna Kamumo umpogau’i.

PA’PUDIAN 66:3

La ma’kadakomi lako Puang Matua, kumua: Lendu’ metakuranna tu mintu’ penggauramMi, mintu’ duka ualimMi pudukna bangri mengkanorong Mati’ belanna kuasa kapuamMi.

KATASSURAN 12:12

Bongi ia dukamote angKu la ussalongi tondok Mesir sia la umpata’pai lima tu mintu’ anak pa’bunga’ lan Mesir, la to lino sia olo’-olo’; sia la Kupaolai salunna tu mintu’ deatanna to Mesir, tonganna Akumo tu PUANG.

KATASSURAN 8:17

Napogau’mi sola duai susito; naangka’mi Harun tu lima untoena tekkenna, anna sambakki tu barra’-barra’, anna ta’pa tu katamuk lako to lino sia lako olo’-olo’. Mintu’ tu barra’-barra’ membali katamuk lan mintu’ tondok Mesir.

KATASSURAN 8:24

Napogau’mi PUANG susito; ta’kala saemi tu tabuan lendu’ budanna tama tongkonan layukna Firaun sia banuanna mintu’ to mase’ponna sia ussamboi mintu’ tondok Mesir, naurunganni narua kamandasan tu tondok iato napobua’ tabuan.

KATASSURAN 8:5

Sia Nakuapa PUANG lako Musa: Pokadanni Harun: Angka’i tu limammu mutoei tu tekkenmu lako mintu’ salu sia kalo’ sia limbong, ammu pakendekki tu tokko’ langngan tondok Mesir.

YESAYA 19:1

Inde sia tu kada Napa’petanggungan Puang Matua diona Mesir. Inang la sae lako Mesir tu PUANG dao saliu’ mandirri’; anna mintu’ napa’deatainna to Mesir, la ma’parondo dio oloNa sia soyang lan tu sumanga’na mintu’ to Mesir.

YESAYA 42:12

Sipatu la napakala’bi’ tu PUANG sia la nasa’bu’ tu kadipudianNa dio lu mintu’ randan tasik.

YEREMIA 13:16

Pangke’mi tu PUANG, Kapenombammi, ke tae’pi Napadadii tu pi’tuk, ke tae’pi mititodo lako buntu ke kasisalan taui bongi, sia urrannuangkomi masiang, apa iatu iannato Napopendadi lillinan parrak, sia Napopembali kapi’tukan.

YEREMIA 3:13

Apa la mutandai tu kakadakeammu kumua mangkamoko sorong boko’ dio mai PUANG, Kapenombammu sia male punala bangko lako to sae diong lu garonto’ kayu maluna sia tae’ muperangii tu gamarangKu, kadanNa PUANG.

YOËL 2:25

La Kubenkomi tu sondana bura padang lan mintu’ taun, nanii umpurai tu mintu’na nakande batik pa’kande, tu batik pa’ampello’, batik pa’kasopu sia batik pa’benga’, iamo tu surodadu kambanKu tu Kupasae lako kalemi.

YUNUS 3:9

Mindara unnissanni den sia manii upa’ natibalik tu Puang Matua sia menassan, anna pasalai penaa tu kasengkean dukkunNa, naurunganni tae’ anta sanggang.

MALEAKHI 2:2

Iake tae’i miperangii sia tae’ mipalan penaai, ammi pangke’i tu sangangKu, kadanNa PUANGna mintu’ ma’dandan maritik, la Kuparampo tu tampak ropu lako kalemi, sia la Kupopembali tampak ropu tu pa’passakkemi; ondongpi mangkamo Kupopembali tampak ropu, belanna tae’ mipalan penaai.

KADIBILANGAN 33:4

tonna marassan tu to Mesir ullamun mintu’ to Nasanggang PUANG, iamotu mai anak pa’bunga’na, belanna PUANG umparampoi ukungan tu mai deatanna.

YOHANES 9:24

Natambai pole’omi tinde to buta pakitamo, sia nakua ungkuanni: Pangke’I tu Puang Matua! Kami te kiissan kumua to kasalan tu.

YOSUA 7:19

Ma’kadami tu Yosua lako Akhan, nakua: E anakku, pangke’i tu PUANG, Kapenombanna to Israel, ammu mangaku lako; pokadanna’ tu apa mupogau’, da mubunianna’.

KADA OMBO’ LAKO RASULU’ YOHANES 11:13

Iatonna attu ia dukato saemi lino’ kapua, naurunganni mangsan taa sangpulona tu tondok iato; pitungsa’bu tau mate belanna lino’ iato, na iatu torronapa lendu’ mataku’na, anna pakala’bi’i tu Puang Matua dao suruga.

KADA OMBO’ LAKO RASULU’ YOHANES 14:7

anna metamba nakua: Kataku’i tu Puang Matua sia pangke’I, belanna rampomo tu attu kapa’paolaianNa salu, sia penombai tu Puang umpadadi langi’ sola lino sia tasik na mintu’ kalimbuang.

KADA OMBO’ LAKO RASULU’ YOHANES 16:9

Na mintu’ tolino namampu’i lassu masang tongan, napa’kada solangimi tu sanganNa Puang Matua, tu ungkuasai mintu’ kamaparrisan iato; tae’ duka anna mengkatoba’ tu tau iato mai la umpangke’ Puang.

1 SAMUEL 5:11

Ditambaimi ma’kombongan tu mintu’ arung kota to Filistin, anna ma’kada nakua: Pasuleammi tu pattinNa Kapenombanna to Israel lako inanna, da napa’pepateangki’ sola tu mai bangsata, belanna dadimo tu ra’ba biang dio lu tondok iato sia kamarukkan kapua, belanna Napamatana’mo Puang Matua to limanNa unti’tinni tu tau iato mai.

1 SAMUEL 5:9

Iatonna dipalelemo inde to lako, Napata’paimi lima PUANG tu pa’tondokan iato naurunganni marukka. Napa’dikkimi tu mai muane randuk dio mai bitti’na sae lako kapuanna, anna karupui kele tu kalena.

1 SAMUEL 6:8

Mangkato mialai tu pattinNa PUANG, ammi palanganni kareta sia patamai misa’ patti bitti’ dio sa’dena tu mintu’ pareanan bulaan, tu la misorongannI, iamotu pamengan la ullendokan kasalan. Ammi popa’elo’nai male unturu’ pa’poraianna.