1 SAMUEL 6:4 - Sura' Madatu

⁴ Mekutanami tu tau iato mai, nakua: Umbara la susitu pamengan ullendokan kasalan tu sipatu la kisoronganni? Mebalimi nakua: Limang batu kele bulaan sia lima balao bulaan, situru’ bilanganna mintu’ arung kota to Filistin, belanna sangrupari tu kasanggangan urrampoiki’, susi dukato tu mintu’ arung kotami.

1 SAMUEL 6:4 ပူးပေါင်းရင်းမြစ်များ

KATASSURAN 12:35

Napogau’mi to Israel susitu napepasanan Musa, napalakui lako to Mesir tu parea salaka sia bulaan sia pakean.

YOSUA 13:3

randuk dio mai Sikhor dio rampe matallona Mesir sae lako lili’na Ekron ma’palurekkena – padang iate dipasangbilangan padang to Kanaan –; iatu lima arung to Filistin, iamotu arungna Gaza, Asdod, Askelon, Gat sia Ekron, sia to Awi,

TO PARENGNGE’ 14:19

Narampoimi PenaanNa PUANG tu Simson, anna male lako Askelon umpatei tallungpulo muane dio, naala nasangi tu mintu’ tamangkalena, anna benni tu pakean iato tu to untandai karrumena. Apa re’dek bang tu ara’na, iamoto nasule lako banuanna ambe’na.

TO PARENGNGE’ 3:3

Torropa tu lima arungna kota to Filistin na mintu’ to Kanaan sia to Sidon sia to Hewi, tu untorroi buntu Libanon, randuk dio mai buntu Baal-Hermon sae lako batatta ma’palulako Hamat.

1 SAMUEL 5:12

Minda-minda tu tae’ namate, sileleo kelean, naurungan iatu sarrona pa’tondokan kendek langngan langi’.

1 SAMUEL 5:6

Napamatana’ PUANG tu limanNa unti’tin to Asdod Napatirambanmi tu tau iato mai anNa pasitutu’i bundang, la to Asdod la iatu mintu’ lili’na.

1 SAMUEL 5:9

Iatonna dipalelemo inde to lako, Napata’paimi lima PUANG tu pa’tondokan iato naurunganni marukka. Napa’dikkimi tu mai muane randuk dio mai bitti’na sae lako kapuanna, anna karupui kele tu kalena.

1 SAMUEL 6:5

Iamoto garagaimi tu rapang-rapang kelemi sia rapang-rapang balao, tu ussanggangi pa’padangan sia pakala’bi’I tu Kapenombanna to Israel; Napamaringngan siai manii tu limanNa unti’tin kalemi sola nasang sia mintu’ deatammi sia tondokmi.

1 SAMUEL 6:8

Mangkato mialai tu pattinNa PUANG, ammi palanganni kareta sia patamai misa’ patti bitti’ dio sa’dena tu mintu’ pareanan bulaan, tu la misorongannI, iamotu pamengan la ullendokan kasalan. Ammi popa’elo’nai male unturu’ pa’poraianna.