1 SAMUEL 6:21 - Sura' Madatu

²¹ Nasuami tu pesua lako to Kiryat-Yearim umpokadai kumua: Nabaamo to Filistin sule tu pattinNa PUANG, malekomi rokko ammi baai diong mai.

1 SAMUEL 6:21 ပူးပေါင်းရင်းမြစ်များ

2 SAMUEL 6:2

Mangkato ke’de’mi tu Daud sola tu mintu’ to nasolan dio mai Baale-Yehuda, la umbaai inde to diong mai tu pattinNa Puang Matua, tu dinii ussa’bu’ sanga iato, iamotu sanganNa PUANGna mintu’ ma’dandan maritik, tu unnisung dao karubion.

PA’PUDIAN 78:60

Naurunganni Nasalai tu tenda dio Silo, tu tenda Napabendan dio to’ naninna tolino;

YEREMIA 26:20

Sia den duka misa’ tau bendan ma’nubua’ tete dio sanganNa PUANG, iamotu Uria, anakna Semaya, dio mai Kiryat-Yearim: ma’nubua’ anna rampoi kamandasan te kota sia padang iate, susitu mintu’ kada napokada Yeremia.

YEREMIA 7:12

Belanna ma’dinkomi male lako to’ inanKu dio Silo, tu pamulanna Kunii umpaunnisung sangangKu; tiromi tu apa mangka Kuparampoanni, natumang mintu’ kakadakeanna taungKu Israel.

YEREMIA 7:14

Iamoto nabanua iate, tu mangkamo dinii unggente’ sangangKu sia tu miposande’, sia inan iate tu Kukamaseangkomi sia nene’ to dolomi, la kuparampoi kasanggangan susitu mangka Kuparampo lako Silo dolona,

YOSUA 15:60

Kiryat-Baal iamo tu Kiryat-Yearim sia Raba; da’dua tu kota iato sola kampongna.

YOSUA 15:9

Namane tilekko tu anggenna dao mai botto buntu iato lako to’ kalimbuang dio Me-Neftoah, namane rampo lako mintu’ kota dao lu buntu Efron; namane iatu anggenna tilekko lako Baala, iamo tu Kiryat-Yearim.

YOSUA 18:14

Namane tilekko tu anggenna nasepang ma’palusau’, rampe matampu’na buntu, tu lo’na lu Bet-Horon rampe matallo, na iatu tampakna ma’palulako Kiryat-Baal, iamotu Kiryat-Yearim, misa’ kota lili’na to Yehuda. Iamoto tu rampe matampu’na lili’na.

YOSUA 9:17

Belanna iatu to Israel ke’de’, anna rampo lako kotana tonna allo ma’pentallun; iatu kotana tau iato mai iamotu Gibeon Kefira, Beerot na Kiryat-Yearim.

TO PARENGNGE’ 18:12

Ke’de’mi tu tau iato nama’tenda sikandappi’ Kiryat-Yearim lan Yehuda. Iamoto nasangai tau tu tondok iato Mahane-Dan sae lako allo iate; iatu nanii tondok iato rampe matampu’na Kiryat-Yearim.