1 SAMUEL 6:19 - Sura' Madatu

¹⁹ Nasanggangmi Puang tu to Bet-Semes, belanna napenunu tu pattinNa PUANG; iatu pa’tondokan Nasanggang pitungpulo. Attu iato ma’pote dibolongmi umbating tu tau iato mai, belanna Nasanggang tongan PUANG.

1 SAMUEL 6:19 ပူးပေါင်းရင်းမြစ်များ

2 SAMUEL 6:7

Re’dekmi tu ara’Na PUANG lako Uza, anNa pongkoi Puang Matua inde to, belanna katangmengkilalanna; matemi inde to dio sikandappi’ pattinNa Puang Matua.

2 OSSORANNA DATU 25:21

Ke’de’mi tu Yoas, datu Israel, anna sipempangan sirari la ia la Amazia, datu Yehuda, dio Bet-Semes, lan lili’na Yehuda.

KATASSURAN 19:21

Ma’kadami PUANG lako Musa, Nakua: Solo’moko, pakilalai tu to buda da nasuangi tu rompo la umperreke’i PUANG la mentiro-tiro, kumua da nasanggang ba’tu pira-pirai tu tau iato mai.

KATASSURAN 33:4

Tonna rangimi to buda te kada metakuran iate, masussami penaanna, naurunganni tae’mo’ misa’ umpake belona.

KADIBILANGAN 1:51

Iake la dipake’de’mi male tu kema, anna rondonni to Lewi, sia iake la dipatorroi tu kema la napabendan to Lewi; apa minda-minda tu tang sipatu urreke’i la mate dipongko.

KADIBILANGAN 4:15

Iake la ke’de’mi tu tau dio mai to’ tenda sia iake mangkami tu Harun sola anakna ussamboi tu apa maindan sia mintu’ pareanan maindan, namane tama tu to Kehat la umbullei; apa da’ narumbui tu apa maindan iato, kumua da’ namate tu tau iato. Iate pareananna Tenda Kasitammuan sipatu nabulle to Kehat.

KADIBILANGAN 4:18

Kanandai tonganni tu suku pa’rapuanna Kehat, da nadisabu’i dio mai to Lewi.

KADIBILANGAN 4:20

Apa da’ natama tu tau iato mai, naurungan untiroi tu apa maindan, moi sattu’ri, belanna manassa la mate.

PA’TOLE 29:29

Iatu apa kabunian Napoissan PUANG, Kapenombanta, apa iatu dipaombo’namo ma’din taissan sia ma’din naissan anakta sae lakona, kumua anta turu’i tu mintu’ kada Sukaran aluk iate.

KOLOSE 2:18

Da’ naden misa’ tau umpasisayurangkomi tanda kabilangammi, tu to unna’ga madiongan kalena sia menomba lako malaeka’, anna pamatampo punala kalena tete dio tangnga’ pa’kaleanna,

1 PETRUS 4:17

Belanna nalambi’mo attunna tu to lan banuanNa Puang Matua randuk dipaolai salunna, apa iake kita te tu nanii randuk, apara katampakanna tu mintu’ to tang unturu’ Kareba-kaparannuanNa Puang Matua?