1 SAMUEL 6:17 - Sura' Madatu

¹⁷ Iamote tu mintu’ bundang bulaan, tu nasorong to Filistin lako PUANG la ullendokan kasalan, iamotu Asdod sangbatu, Gaza sangbatu, Askelon sangbatu, Gat sangbatu na Ekron sangbatu.

1 SAMUEL 6:17 ပူးပေါင်းရင်းမြစ်များ

2 SAMUEL 1:20

Da’ mipalelei tu iannato dio lu Gat, sia da’ mipatale’i dio lu mintu’ lalan Askelon, da’ anna parannu-rannu tu mintu’ anak dara to Filistin, sia da’ naunnarrak-arrak tu anak dara to tang disunna’!

2 SAMUEL 21:22

Iatu tau a’pa’ iamo tarukna Rafa dio Gat; matemo tu tau iato mai napatei Daud sola mintu’ surodadunna.

2 DATU 1:2

Tobangmi tu Ahazia dao mai to’ tarali, dao mai bilik mengkadaoanna dio Samaria, anna masaki. Nasuami tu pesuanna sia ma’kada lako tau iato mai, nakua: Malekomi lako Baal-Zebub, deatanna to Ekron, la umpekutananni ba’tu la matana siara’ka dio mai te sakingku, tae’moraka.

2 OSSORANNA DATU 26:6

Tassu’mi tu datu urrarii to Filistin, natuanni tu benteng tembo’na Gat sia Yabne sia Asdod, nabangunmi tu ba’tu pira-pira benteng sikandappi’ Asdod sia lan lili’na to Filistin.

YEREMIA 25:20

sia mintu’ bangsa pantan tama sae sia mintu’ datunna tondok Us sia mintu’ datu tondok to Filistin, iamotu Askelon, Gaza, Ekron na Asdod, tu torrona siapa;

SURA’ KATOMINAAN 5:7

Apa iake tang nabelai umpaden misa’ patuoan bitti’, la napennoloan lako PUANG tu da’dua bu’ku’, ba’tu da’dua anak dangan-dangan la usseroi tu kasalan napogau’, iamotu misa’ la diposuru’ pengkalossoran, na iatu misa’ dipopemala’ ditunu pu’pu’.

AMOS 1:6

Inde sia tu kadanNa PUANG Nakua: Belanna tallu tu kapatodo-tintinganna Gaza, ondongpi belanna a’pa’, iamoto natae’ Kula undampai to. Belanna mangkamo narampa tu mintu’ pa’tondokan anna sorongi lako Edom,

AMOS 6:2

Malekomi lako Kalne, ammi tiroi, sia ammi ke’de’ inde to dio mai lako Hamat kapua, ammi solo’ rokko Gat, lili’na to Filistin. Mandu meloraka to na iate kadatuan iate, mandu kalua’raka tu lili’na na iatu lili’mi?

PA’TOLE 28:27

PUANG la umparampoiko pasi Mesir, bundang, kele sia re’pe’, tu tang dampi-dampian.

TO PARENGNGE’ 1:18

Natalo pole’omi Yehuda tu Gaza sola mintu’ lili’na sia Askelon sola mintu’ lili’na sia Ekron sola mintu’ lili’na.

TO PARENGNGE’ 14:19

Narampoimi PenaanNa PUANG tu Simson, anna male lako Askelon umpatei tallungpulo muane dio, naala nasangi tu mintu’ tamangkalena, anna benni tu pakean iato tu to untandai karrumena. Apa re’dek bang tu ara’na, iamoto nasule lako banuanna ambe’na.

TO PARENGNGE’ 16:1

Den pissan namale tu Simson lako Gaza, natiroi inde to dio tu misa’ baine kadake gau’, namale umpellambi’i.

TO PARENGNGE’ 16:21

Natingkanmi to Filistin, nasu’be’i patomalii tu matanna, anna solanni lako Gaza, napungoi da’dua rante tambaga, sia diparuku unggirikki tu batu pangrissoan lan pa’tarungkuan.

1 SAMUEL 5:1

Naalami to Filistin tu pattinNa Puang Matua, nabaai dio mai Eben-Haezer lako Asdod.

1 SAMUEL 5:10

Napalelemi tau iato mai tu pattinNa Puang Matua lako Ekron, apa iatonna rampo tu pattinNa Puang Matua lako Ekron silallakan tu pa’tondokan dio Ekron, nakua: Nabaamo tu pattinNa Kapenombanna to Israel lako kaleta, la moraimo umpateiki’ sola sukunta.

1 SAMUEL 5:8

Iamoto anna ditambai ma’kombongan tu mintu’ arung kota to Filistin, anna ma’kada nakua: La tapatumbai tu pattinNa Kapenombanna to Israel? Mebalimi tu mintu’ arung nakua: Melo ke dipalelei tu pattinNa Kapenombanna to Israel, lako tondok Gat. Napalelemi tu pattinNa Kapenombanna to Israel.

1 SAMUEL 6:4

Mekutanami tu tau iato mai, nakua: Umbara la susitu pamengan ullendokan kasalan tu sipatu la kisoronganni? Mebalimi nakua: Limang batu kele bulaan sia lima balao bulaan, situru’ bilanganna mintu’ arung kota to Filistin, belanna sangrupari tu kasanggangan urrampoiki’, susi dukato tu mintu’ arung kotami.