1 SAMUEL 5:9 - Sura' Madatu

⁹ Iatonna dipalelemo inde to lako, Napata’paimi lima PUANG tu pa’tondokan iato naurunganni marukka. Napa’dikkimi tu mai muane randuk dio mai bitti’na sae lako kapuanna, anna karupui kele tu kalena.

1 SAMUEL 5:9 ပူးပေါင်းရင်းမြစ်များ

PA’PUDIAN 78:66

Nasambakki dio mai boko’ tu mintu’ ualinNa, sia Naparampoi kamatunan tang pa’de-pa’de.

AMOS 5:19

Susi, ke den misa’ tau mallai dio mai singa, la nadammak beruang; iake rampomi lako banuanna, anna merremme’ lako rinding tembo’ la natotokki ula’.

PA’TOLE 2:15

Ondongpi limanNa duka PUANG mangka ullaoi la ussabui’ lan mai to’ tenda sae lako pura mate.

1 SAMUEL 12:15

Apa iake tae’ miperangii tu kadanNa PUANG, sangadinna mibali-bali tu parentaNa, manassa PUANG la unneakomi, susitu nene’ to dolomi Naea.

1 SAMUEL 5:10

Napalelemi tau iato mai tu pattinNa Puang Matua lako Ekron, apa iatonna rampo tu pattinNa Puang Matua lako Ekron silallakan tu pa’tondokan dio Ekron, nakua: Nabaamo tu pattinNa Kapenombanna to Israel lako kaleta, la moraimo umpateiki’ sola sukunta.

1 SAMUEL 5:11

Ditambaimi ma’kombongan tu mintu’ arung kota to Filistin, anna ma’kada nakua: Pasuleammi tu pattinNa Kapenombanna to Israel lako inanna, da napa’pepateangki’ sola tu mai bangsata, belanna dadimo tu ra’ba biang dio lu tondok iato sia kamarukkan kapua, belanna Napamatana’mo Puang Matua to limanNa unti’tinni tu tau iato mai.

1 SAMUEL 5:6

Napamatana’ PUANG tu limanNa unti’tin to Asdod Napatirambanmi tu tau iato mai anNa pasitutu’i bundang, la to Asdod la iatu mintu’ lili’na.

1 SAMUEL 6:11

Napalanganmi kareta tu pattinNa PUANG sia iatu patti bitti’ nanii balao bulaan sia rapang-rapang bundangna.

1 SAMUEL 7:13

Susimoto tu diona to Filistin ditalo sia tae’mo natama lili’ padangna to Israel; anna limanNa PUANG unnea to Filistin lan mintu’ allo katuoanna Samuel.