1 SAMUEL 5:4 - Sura' Madatu

⁴ Iatonna melambi’ dio mai millikmi tu tau iato mai, oo!, songka pole’omo tu Dagon tipessussuk tu lindona rokko padang dio olona pattinNa PUANG, apa iatu ulunna sia limanna patomali tantang tipelleba’ lako to’ ampang ba’ba, nakalena mannamo Dagon torro siapa.

1 SAMUEL 5:4 ပူးပေါင်းရင်းမြစ်များ

YESAYA 27:9

Iamoto anna dipa’dei tu salana Yakub sia iamote tu mintu’ buanna kadiseroianna kasalanna, kumua iatu mintu’ batu pa’paisungan nanisak-nisak susi susu batu, naurunganni tae’mo te’dek tu mai lentong dipodeata sia inan pemalaran dinii untunu dupa.

YESAYA 40:20

Iatu to tang palambi’ doi’na la unggaragai rapang-rapang dipa’deatainna, umpilei misa’ kayu tang manapo, anna daka’ misa’ pande manarang la umpatunannanganni misa’ rapang-rapang dipodeata tang tibendon.

YEREMIA 10:11

– La susi kadammi lako tau iato mai, kumua: Iatu mintu’ deata, tu tae’ napadadi langi’ sola lino, la pa’de dao mai kuli’na padang sia lan mai nasambo langi’, –

YEREMIA 10:14

Attu iato iatu mintu’ tolino baga sia tang paissan; iatu mintu’ pande bulaan natoding siri’ diona rapang-rapang dipodeata, belanna iatu mintu’ pa’pati’no’na tae’ natongan, sia tae’ penaa lan.

YEREMIA 10:15

Mintu’nato tae’ gai’na sia misa’ panggaraga pa’popetaa; iake narampoi ukungan, sabu’mi.

YEREMIA 50:2

Patale’i dio lu mintu’ bangsa sia pa’peissananni, angka’i misa’ bandera sia pa’peissananni, da mibunii, sia pokadai kumua: Ditalomo tu Babel, sia kasirisanmo tu Bel sia kapussakan tu Merodakh; kasirisan tu rapang-rapang dipodeatanna, sia mintu’ deata megi’giranna.

DANIEL 11:8

Ondongpi, sae lako rapang-rapang dipodeatanna sola rapang-rapang dipodeata dipati’no’na sia pareanan keangga’na, iamotu salaka sia bulaan, la nabaa lako Mesir butung pangrampa; sia ba’tu pirang-pirang taun tae’ nala sirari datu rampe Daanna lu.

MIKHA 1:7

Sia mintu’ rapang-rapang dipodeata dipa’na la dipoka, sia pamenganna tu dipennoloan lako deata la diballa api, sia mintu’ rapang-rapang dipodeatanna la Kunisak-nisak, belanna iatu saro bu’tu lu dio mai pa’gau’ salana naallianni tu rapang-rapang dipodeata narampun, na iatu apa iato la dadi duka saro gau’ sala.

1 SAMUEL 6:5

Iamoto garagaimi tu rapang-rapang kelemi sia rapang-rapang balao, tu ussanggangi pa’padangan sia pakala’bi’I tu Kapenombanna to Israel; Napamaringngan siai manii tu limanNa unti’tin kalemi sola nasang sia mintu’ deatammi sia tondokmi.