1 SAMUEL 5:3 - Sura' Madatu

³ Apa iatonna melambi’ dio mai namillik tu to Asdod, natiromi tu Dagon songkamo tipessussuk tu lindona rokko padang dio olona pattinNa PUANG. Naangka’mi tu Dagon, napabendan pole’i dio inanna.

1 SAMUEL 5:3 ပူးပေါင်းရင်းမြစ်များ

1 DATU 18:26

Naalami tau iato mai tu sapi laki, tu nabenni Elia, anna pasakka’i, nametamba ussa’bu’ sanganna Baal tempon dio mai melambi’ sae lako ma’tangngana allo, nakua: O Baal, pebaliikanni! Apa tae’ tu gamara sia moi misa’ tau tae’ duka mebali. Unnondo-ondomi tu tau iato mai untikui inan pemalaran mangka nagaraga.

PA’PUDIAN 115:7

Den tu limanna, apa tang panggega’, sia den duka tu lentekna, apa tae’ anna titengka, sia den deko-dekona, apa tae’ anna sumu.

PA’PUDIAN 97:7

Da’ito nakasirisan tu mintu’ to umpenombai rapang-rapang dipodeata panggaraga lima. Iamotu to ussattuan dipa’deatainna; e mintu’ deata, penombai tu Puang.

KATASSURAN 12:12

Bongi ia dukamote angKu la ussalongi tondok Mesir sia la umpata’pai lima tu mintu’ anak pa’bunga’ lan Mesir, la to lino sia olo’-olo’; sia la Kupaolai salunna tu mintu’ deatanna to Mesir, tonganna Akumo tu PUANG.

YESAYA 19:1

Inde sia tu kada Napa’petanggungan Puang Matua diona Mesir. Inang la sae lako Mesir tu PUANG dao saliu’ mandirri’; anna mintu’ napa’deatainna to Mesir, la ma’parondo dio oloNa sia soyang lan tu sumanga’na mintu’ to Mesir.

YESAYA 40:20

Iatu to tang palambi’ doi’na la unggaragai rapang-rapang dipa’deatainna, umpilei misa’ kayu tang manapo, anna daka’ misa’ pande manarang la umpatunannanganni misa’ rapang-rapang dipodeata tang tibendon.

YESAYA 41:7

Iatu pande bassi umpabatta’ pande bulaan; iatu to ma’pa’tong ma’pamanipi’ umpabatta’ to ma’tampa dao landasan, anna ma’kada diona tu pa’pi’da’, nakua: melomo te! Anna pakui lako inanna da natibendon.

YESAYA 46:7

Napalangnganmi palempengna tau iato mai, namale umpassanni, anna pabendanni dio inanna; inde to dio nanii ke’de’, tang tiberu dio mai inanna. Moi anna meoli tau lako, tae’ duka napebalii, sia tae’ anna rampananni lan mai kamaparissan.

YEREMIA 10:8

Iatu tau iato mai baga sia bebe’, belanna tae’ naangga’i tu pangadaran iato, kayu bangsia ia to.

ZEFANYA 2:11

La masarrang tu PUANG lako tau iato mai, belanna la Napisanni tu mintu’ deatanna kuli’na padang, anna dio oloNa la nanii tukku menomba tu mintu’ bangsa dio mai tondok ma’biring tasik’ pantan lu dio mai inanna.

MARKUS 3:11

Mintu’na duka deata masussuk, tonna kitaI tu Yesu, lumbangmi rokko to’ tingayoNa namelalla-lalla, nakua: Kamumo tu AnakNa Puang Matua.

1 SAMUEL 6:1

Iatonna ma’pitung bulanmo tu pattinNa PUANG dio tondok to Filistin,

1 SAMUEL 6:5

Iamoto garagaimi tu rapang-rapang kelemi sia rapang-rapang balao, tu ussanggangi pa’padangan sia pakala’bi’I tu Kapenombanna to Israel; Napamaringngan siai manii tu limanNa unti’tin kalemi sola nasang sia mintu’ deatammi sia tondokmi.