1 SAMUEL 4:9 - Sura' Madatu

⁹ La baranikomi sia la lalongkomi, e to Filistin, da napokaunankomi to Ibrani, susi tommi pokaunanni tu tau iato mai. Pa’pekitananni tu kapia muaneammi ammi parari tongan-tongan.

1 SAMUEL 4:9 ပူးပေါင်းရင်းမြစ်များ

2 SAMUEL 10:12

La baraniko sia la lalongki’ belanna bangsata sia belanna mintu’ kotana Kapenombanta. Na PUANGmora umpogau’i tu apa naala penaanNa.

YESAYA 14:2

Iatu to Israel la nasolan ba’tu pira-pira bangsa, nasolan lako inanna, anna potaui to Israel tu tau iato mai dio padangna PUANG, la napokaunan la muane la baine anna rampai tu to mangka urrampai dolona sia anna posua-suanni tu to mangka ussua-suai.

YESAYA 33:1

Upu’ allomu, e pa’kasanggang, tu tang disanggang; e to tang maruru’ tu tang diballean len; iake upu’moko ma’kasanggang, iko kalenamo la disanggang; iake upu’moko umpogau’ tang maruru’, iko kalenamo la diballean.

1 KORINTUS 16:13

Mareakomi, tontongkomi tumanan umposissarean kapatonganan, umpapiamuanekomi kalemi, sia mawatangkomi.

TO PARENGNGE’ 10:7

Iamoto anna re’dek ara’Na tu PUANG lako to Israel, Nasorongi tu tau iato tama kuasanna to Filistin sia to Amon.

TO PARENGNGE’ 13:1

Napogau’ pole’omi to Israel tu apa kadake dio pentiroNa PUANG; iamoto Nasorongi PUANG tama limanna to Filistin, patangpulo taunna.

1 SAMUEL 14:21

Ondong pole’pi den to Ibrani, tu masaimo torro sola to Filistin sia male bang sola surodadunna tiku lao: tau iato mai sita’pamo to Israel tu sola Saul sia Yonatan.

1 SAMUEL 4:8

A’a mandasamoki’, belanna mindapara la urrampanangki’ dio mai limanna tu deata sumpu makuasa iato? Iamora te deata iate tu umparampoi to Mesir ma’rupa-rupa kamaparrisan dio padang pangallaran.