1 SAMUEL 4:5 - Sura' Madatu

⁵ Iatonna rampomo tu patti basseNa PUANG lako to’ tenda surodadu, unnarrak-arrakmi tu mintu’ to Israel lendu’ mamakna, naurunganni parodo tu padang.

1 SAMUEL 4:5 ပူးပေါင်းရင်းမြစ်များ

2 SAMUEL 15:24

Ia duka tu Zadok dio ren sola mintu’ to Lewi umbulle patti basseNa Puang Matua; male duka tu Abyatar unturu’i; napatorromi tau iato mai tu pattinNa Puang Matua sae lako tappunna lendu’ tu to buda tassu’ lan mai kota.

1 DATU 1:40

Saemi tu mintu’ to buda umbalole’ datu sia umpannoni suling sia sisumapuko-pukoan, naurungan takua to la ra’pak tu padang napobua’ gamaranna.

AYUB 20:5

Manassa iatu arrakna to tang mekaaluk sangparaanri, sia iatu kaparannuanna to tang umbilang Puang Matua sangattu’ bangri.

YEREMIA 7:4

Da mipatonganni tu kada pa’pakena, tu nakua: Iamote tu banuanNa PUANG, banuanNa PUANG, banuanNa PUANG!

AMOS 6:3

E kamu, tu ussangai mambelapa tu allo kamandasan, sia umpamareke’ kadera pa’pakario-rio.

MIKHA 2:11

Iake denni misa’ tau ma’kedo tang kebattuan sia ma’kada tang tongan, nakua: La kupa’nubuarangko tu diona uai anggoro’ sia pangiru’ palango –, iamoto tu nabinna bangsa iate.

YOSUA 6:20

Iatonna marassan tau umpannoni tu napiri tanduk domba, unnarrak-arrakmi tu to buda; iatonna rangimi to buda tu oni napiri tanduk domba, pakalan siarrakanmi umpekapuai gamaranna. Tuanmi tu rinding tembo’, anna pada unteka’i to buda langngan natama kota, tu natingayoinna, anna taloi tu kota.

YOSUA 6:5

Iake narittinganni tau tu oni napiri tanduk domba, ammi rangi tu oni iato, la siarrakan tu mintu’ to buda, anna ro’pok tu rinding tembo’ kota, napada ungkendekki mintu’ to buda, tu natingayoinna.

TO PARENGNGE’ 15:14

Iatonna rampo Simson lako Lehi unnarrak-arrakmi tu to Filistin sae untammui; pakalan Narampoimi PenaanNa PUANG, anna mintu’ tu ulang lan lengo-lengona tenmoto batang rami nakande api sia iatu pepungona sisane’buan tilossok lan mai limanna.

1 SAMUEL 4:6

Iatonna rangimi to Filistin tu arrak iato, nakuami: Arrak apara ia tu mamak kadake dio to’ tenda surodadunna to Ibrani? Attu iato narangimi kumua iatu pattinNa PUANG rampomo tama to’ tenda surodadu iato.