1 SAMUEL 4:2 - Sura' Madatu

² Iatu to Filistin ma’pampangan umpessitammui to Israel, anna sipakarua’ sirari, nataloi to Filistin tu to Israel, anna patei tu to Israel dio lu padang nanii sirari agi-agi patangsa’bu.

1 SAMUEL 4:2 ပူးပေါင်းရင်းမြစ်များ

BATING 3:40

Melo ke umparessaki’ sia umpelalanki’ mintu’ tengkata, anta mengkatoba’ lako PUANG.

SURA’ KATOMINAAN 26:37

Sia pantan la tilende’ tu tau iato mai anna siboton-boton susito undi naula’ pa’dang, anna tae’ tau undi unnula’i, sia tang la miatta bendan dio tingngayona ualimmi.

KADIBILANGAN 14:45

Attu iato mengkalaomi tu to Amalek sia to Kanaan, tu ma’tondok dao lu ma’buntunna, anna taloi sia napasisarak-sarak tau iato, anna sorong boko’ sae lako Horma.

YOSUA 7:12

Iamoto natae’ naattai tu to Israel bendan unnea ualinna, memboko’mo dio mai ualinna, belanna pepayuammo. Iake tae’i misabu’i tu pepayu dio lu kalemi, tae’mo Kula urrondongkomi.

1 SAMUEL 17:21

Napasipa’pampangammi to Israel sia to Filistin tu surodadunna.

1 SAMUEL 17:8

Iatu pa’barani iato bendan anna metamba-tamba lako tuntunan surodadu to Israel, nakua: Ma’apari mitassu’ ma’pampangan la parari? Tae’raka ku misa’ to Filistin te, na kamu sola nasang kaunanna Saul? Pileimokomi misa’ tau anna solo’ mai umpentammuina’.

1 SAMUEL 4:1

Iatu kadanna Samuel landa’ lako mintu’ to Israel. Tassu’mi tu to Israel umpessitammui to Filistin la sirari, anna pabendanni tu tendana sikandappi’ Eben-Haezer, na iatu to Filistin umpabendan tendana sikandappi’ Afek.

1 SAMUEL 4:10

Pararimi tu to Filistin, anna taloi tu to Israel, sisarambuammi mallai sola nasangi, pantan sule lako to’ tendana; nalendu’ ia budanna dipongko, naurunganni siapanammo mate tu to Israel tallungpulo sa’bu, iamotu surodadu ma’lingka.

1 SAMUEL 4:3

Iatonna sangsuleammo tu tau lako to’ tendana nakuami mintu’ tu pekaamberan to Israel: Ma’apari te allo iate Napopa’elo’nariki’ PUANG natalo to Filistin? Maikomi tamale unnala patti basseNa PUANG dio mai Silo, anna dio kaleta kumua anna rampananki’ dio mai limanna ualinta.