1 SAMUEL 4:19 - Sura' Madatu

¹⁹ Iatu minintunna, tu bainena Pinehas, attu iato mabanda’ ma’tambuk. Tonna rangimi tu kareba, kumua dirampamo tu pattinNa Puang Matua sia matemo tu matusanna sia muanena, mendemme’mi, anna kianak, belanna ta’pa naratui kapanguriasan.

1 SAMUEL 4:19 ပူးပေါင်းရင်းမြစ်များ

KADADIAN 3:16

Nama’kada Puang lako tu baine: La Kupakerangngan lako kalemu tu kamasussan ke ma’tambukko, la mapa’di’ko ke la kianakko, sia la mamali’ko lako muanemu anna parentako.

KADADIAN 35:17

Lan to kamaparrisanna kianak to, nakuami to ma’pakianak lako: Da mumataku’, belanna unnappa’ poleomoko misa’ pia muane.

1 DATU 14:1

Attu iato masakimi tu Abia, anakna Yerobeam.

PA’PUDIAN 78:64

Siapanammo tu mintu’ to minaanna nakande bassi mataran, natae’ anna batingi to balunna.

YEREMIA 26:6

manassa iate banua la Kupasusi Silo, sia kota iate la Kusanggang anna sa’bu’i mintu’ bangsa dao kuli’na padang ke ma’tampak ropui.

1 SAMUEL 4:18

Iatonna uleleanmi tu diona pattinNa Puang Matua, songkami tu Eli dao mai kaderana tungara dio sa’de babangan tondok, nalesok pasallona, anna mate, belanna matuamo, sia to malompo; patangpulo taunna urrengnge’ to Israel.

1 SAMUEL 4:20

Iatonna la matemo, nakuami tu mintu’ baine untikui: Da mumataku’, belanna undadian siako pia muane. Apa tae’ napebalii sia tae’ napalan penaai.