1 SAMUEL 4:18 - Sura' Madatu

¹⁸ Iatonna uleleanmi tu diona pattinNa Puang Matua, songkami tu Eli dao mai kaderana tungara dio sa’de babangan tondok, nalesok pasallona, anna mate, belanna matuamo, sia to malompo; patangpulo taunna urrengnge’ to Israel.

1 SAMUEL 4:18 ပူးပေါင်းရင်းမြစ်များ

PA’PUDIAN 26:8

O PUANG, kukamali’ tu inan banuamMi, sia inan nanii kamala’biramMi.

PA’PUDIAN 42:10

La kukua lako Puang Matua, buntu batungku susite; ma’apari amMi tang kilalaimora’? Ma’apari angku lolang ma’pote dibolong, belanna pa’pakario-riona mintu’ ualingku?

PA’PUDIAN 42:3

Ma’rang tu deatangku lako Puang Matua, ondongpi lako Puang Matua matontongan; ba’tu piran kula sae la mennolo dio oloNa Puang Matua?

PA’PUDIAN 69:9

Belanna butungmo’ to toyang tondok lako mintu’ siulu’ku, sia to tang siperambumo’ mintu’ to nadadian indo’ku.

SURA’ KATOMINAAN 10:3

Ma’kadami tu Musa lako Harun nakua: Inde sia tu Napokada PUANG Nakua: Lako tu tau rengke’ tongan dio Kaleku, la Kupamanassan kumua MaindanNa’ sia dio pentirona mintu’ bangsa la Kupapayan tu kamala’birangKu. Kappami tu Harun.

TO PARENGNGE’ 15:20

Naparentami Simson tu to Israel duangpulo taunna, tonna attunna to Filistin.

1 SAMUEL 4:13

Tonna rampomo, iatu Eli unno’ko’ dao kadera dio biring lalan ma’peagi-agi, belanna selang tu penaanna ungkilalai pattinNa Puang Matua. Rampomi tinde tau umpakarebai tama kota, anna siurrukan tu mintu’ pa’tondokan.

1 SAMUEL 4:17

Mebalimi tu to umbaa kareba nakua: Iatu to Israel mallaimo naula’ to Filistin, ondongpi ditalo kapuamo tu tau iato mai, ia duka tu anakmi sola duai, Hofni na Pinehas mate dukamo sia iatu pattinNa Puang Matua dirampamo.

1 SAMUEL 4:19

Iatu minintunna, tu bainena Pinehas, attu iato mabanda’ ma’tambuk. Tonna rangimi tu kareba, kumua dirampamo tu pattinNa Puang Matua sia matemo tu matusanna sia muanena, mendemme’mi, anna kianak, belanna ta’pa naratui kapanguriasan.