1 SAMUEL 31:8 - Sura' Madatu

⁸ Iatonna masiangmo dio mai, tonna saemo tu to Filistin urrampa apanna mintu’ to dipatei, naappa’mi tu Saul sola tu anakna muane tallu sumpandan bangmo dao buntu Gilboa.

1 SAMUEL 31:8 ပူးပေါင်းရင်းမြစ်များ

2 SAMUEL 1:20

Da’ mipalelei tu iannato dio lu Gat, sia da’ mipatale’i dio lu mintu’ lalan Askelon, da’ anna parannu-rannu tu mintu’ anak dara to Filistin, sia da’ naunnarrak-arrak tu anak dara to tang disunna’!

2 SAMUEL 1:21

E kamu buntu Gilboa, kenna da’ora naden ambun ba’tu uran umbissikkomi, e kamu padang dinii urrande pemala’. Belanna inde to dio dinii urruttakki balulang to lalong, iamo balulangna Saul, tu tang diboka’i.

1 OSSORANNA DATU 10:8

Iatonna masiangmo dio mai, tonna saemo tu to Filistin urrampa apanna mintu’ to dipatei, naappa’mi tu Saul sola tu anakna muane tallu sumpandan bangmo dao buntu Gilboa.

2 OSSORANNA DATU 20:25

Saemi tu Yosafat sola taunna mangrampa, nakabu’tui tu pangrampa lendu’ budanna, iamotu ianan sia pakean sia pareanan mellong; naalami, tang nagasa tongan nabaa; tallung allo tu tau iato mai unnalai tu pangrampa, belanna lendu’ budanna.

1 SAMUEL 28:4

Saemi tu to Filistin sirampun anna pabendanni tu tendana dio Sunem. Narampunmi Saul tu mintu’ to Israel, anna pabendanni tu tendana dao Gilboa.

1 SAMUEL 31:7

Iatonna tiromi to Israel rampe lakona rante sia sambalinna lu Yordan kumua mallaimo tu to Israel sia matemo tu Saul sola anakna tallu, natampemi tu mintu’ tondok anna mallai. Saemi tu to Filistin anna torro lan.

1 SAMUEL 31:9

Napoloi tu ulunna sia nalossokan tu mintu’ pa’bunona, nasuai tu tau male ullelei tu lili’na mintu’ tondok Filistin la umpatale’i tu kareba melo iato lan lu mintu’ banua dipa’deatainna sia lako mintu’ to buda.