1 SAMUEL 31:7 - Sura' Madatu

⁷ Iatonna tiromi to Israel rampe lakona rante sia sambalinna lu Yordan kumua mallaimo tu to Israel sia matemo tu Saul sola anakna tallu, natampemi tu mintu’ tondok anna mallai. Saemi tu to Filistin anna torro lan.

1 SAMUEL 31:7 ပူးပေါင်းရင်းမြစ်များ

SURA’ KATOMINAAN 26:32

Aku kalena la ussanggangi tu tondok naurunganni iatu ualimmi tu untorroi, magiang untiroi.

SURA’ KATOMINAAN 26:36

Sia la Kupaden tu kamatakuran lan penaammi tu mintu’komi tu torronapa lan tondokna ualinna, naurungan moi daun kayu rondon unnula’ tau iato, anna mallai, susito naula’ pa’dang, anna tibambang tang naula’ tau.

PA’TOLE 28:33

Iatu bura padangmu sia bura rangka’mu la nakande misa’ bangsa tang mutandai; tontong bangko dipakario-rio sia dilullu’.

TO PARENGNGE’ 6:2

Napandasa tongan to Midian tu to Israel. Belanna mataku’ lako to Midian, iamoto nagaragai tu pembunian dao lu buntu, lan lo’ko’ sia lan tambakuku.

1 SAMUEL 13:6

Iatonna tiromi to Israel lan kamasussan sia kapussakammo tu to buda, membunimi tu to buda lan lu lo’ko’ sia lan lu sapak batu sia dao lu buntu batu sia diong lu garuang sia diong lu bubun marangke.

1 SAMUEL 13:7

Den duka pira to Ibrani ullamban Yordan, anna male lako Gad sia Gilead, tonna torropa tu Saul dio Gilgal; iatu mintu’ to umbumbunni tu boko’na mataku’ sia ma’parondo.

1 SAMUEL 31:6

Pada matemi Saul tu anakna tallu sia bentarana sia surodadunna to allo ia dukato.

1 SAMUEL 31:8

Iatonna masiangmo dio mai, tonna saemo tu to Filistin urrampa apanna mintu’ to dipatei, naappa’mi tu Saul sola tu anakna muane tallu sumpandan bangmo dao buntu Gilboa.