1 SAMUEL 31:6 - Sura' Madatu

⁶ Pada matemi Saul tu anakna tallu sia bentarana sia surodadunna to allo ia dukato.

1 SAMUEL 31:6 ပူးပေါင်းရင်းမြစ်များ

2 SAMUEL 1:1

Iatonna matemo tu Saul sia iatonna sulemo tu Daud untalo to Amalek, torropa tu Daud duangallo dio Ziklag.

2 SAMUEL 1:12

Umbatingmi sola nasang sia tumangi’ sia ma’puasa sae lako bonginna diona Saul sia Yonatan, anakna, sia diona mintu’ taunNa PUANG sia mintu’ to Israel, belanna tibambang tu tau iato mai nakande pa’dang.

1 OSSORANNA DATU 10:6

Matemi tu Saul sola tu anakna tallu sia mintu’ to lan banuanna mate sola.

TO PARENGNGE’ 9:54

Natambaimi madomi’ tu taunna tu umbaa pa’bunona, anna ma’kada lako nakua: Nonokki tu pa’dangmu ammu pateina’, da napokadai tau tu diona aku kumua: misa’ baine mangka umpatei. Ta’pa natobokmi taunna, anna mate.

1 SAMUEL 11:15

Male nasangmi tu bangsa iato lako Gilgal unnangka’ Saul dadi datu dio oloNa PUANG dio Gilgal sia napemalaran inde to tu pemala’ kasalamaran dio oloNa PUANG; parannu-rannumi tu Saul inde to dio sola mintu’ to Israel lendu’ marua’na.

1 SAMUEL 12:17

Tang pegandunganraka te totemo? La meongli’na’ langngan PUANG, anNa pasae guntu’ sia uran. Ammi issanni sia mitiroi kumua kapua dio oloNa PUANG tu kakadakean mipogau’, iamotu umpalakuangkomi kalemi misa’ datu.

1 SAMUEL 12:25

Apa iake inang umpogau’komi kadake, manassa la diputtaikomi sola datummi.

1 SAMUEL 26:10

Sia nakuapa Daud: La lelukraka tuoNa PUANG, manassa la nasanggangi PUANG; ba’tu la nalambi’mi lampakna, naurungan mate, ba’tu malei parari anna dipatei.

1 SAMUEL 28:19

Sia PUANG la ussorongkomi sola to Israel lako to Filistin sia masiang iatu kamu sola tu mai anakmi muane la indemo te inan kunii, sia la Nasorong PUANG tu surodadu to Israel lako to Filistin.

1 SAMUEL 31:5

Iatonna tiromi bentarana tu Saul matemo, nasongkan dukaomi tu kalena rokko pa’dangna, anna mate sola datu.

1 SAMUEL 31:7

Iatonna tiromi to Israel rampe lakona rante sia sambalinna lu Yordan kumua mallaimo tu to Israel sia matemo tu Saul sola anakna tallu, natampemi tu mintu’ tondok anna mallai. Saemi tu to Filistin anna torro lan.