1 SAMUEL 31:3 - Sura' Madatu

³ Maparrangmi tu rari umpatu Saul; iatonna tiromi to ma’pana tu Saul, ma’parondomi ungkataku’i tu to ma’pana.

1 SAMUEL 31:3 ပူးပေါင်းရင်းမြစ်များ

KADADIAN 49:23

Lendu’ naranding-randingna to ma’pana sia natumbui pana sia nalaoi.

2 SAMUEL 1:4

Nakuami Daud lako: Uleleananna’, umbara nakua tu apa dadi. Ma’kadami nakua: Iatu to buda mallaimo dio mai to’ kasirarian sia buda duka tu surodadu tibambang mate dipatei na ia duka tu Saul sola Yonatan, anakna, matemo.

2 SAMUEL 1:6

Mebalimi tinde to mangura umbaa kareba iato lako, nakua: Siappa’na’ dao buntu Gilboa, ta’kala kutiroi tu Saul sissare lako dokena sia ba’tu pira-pira kareta sia pakkanarang urruku’i.

2 SAMUEL 21:12

Malemi tu Daud unnalai tu bukunna Saul sia bukunna Yonatan, anakna, dio mai pa’tondokan to Yabesh dio Gilead, tu naala buni pirambongi’ dio pasa’ dio Bet-San, inan nanii untoke’i to Filistin, tonna patei to Filistin tu Saul dao Gilboa;

1 DATU 22:34

Apa den misa’ tau tu tae’ naangga’i ma’pana, anna ruai tu datu to Israel dio to’ pa’pasitammuan bayu kararran. Nakuami lako tu to untoe ulang darang karetana: Bintii sule tu ulang, ammu solanna’ sun lan mai to’ surodadu, belanna bangkemo’.

AMOS 2:14

Attu iato iatu mai to malinta’ tang nabelamo umpallaian kalena, iatu to mawatang tang nakullemo umpalalo kamabukuanna sia tu to lalong tae’mo nakullei ullendokan sunga’na.