1 SAMUEL 31:13 - Sura' Madatu

¹³ Sia narampun tu mintu’ bukunna nalamunni diong garonto’ kayu tamarisa’ dio Yabesy; mangkato ma’puasami tu tau iato pitung allo.

1 SAMUEL 31:13 ပူးပေါင်းရင်းမြစ်များ

KADADIAN 35:8

Iatu Debora to mantaranakna Ribka tonna mate nadilamun rampe sau’na Betel, diong to’ garonto’ kayu jati, tu disangai jati Parran uai mata.

KADADIAN 50:10

Rampomi sola nasangi lako Panglulluran gandung dirompo pundanga lamban lianna salu Yordan na inde to nanii siorronan umbating, napa’baratammi Yusuf pitung allo tu ambe’na.

2 SAMUEL 1:12

Umbatingmi sola nasang sia tumangi’ sia ma’puasa sae lako bonginna diona Saul sia Yonatan, anakna, sia diona mintu’ taunNa PUANG sia mintu’ to Israel, belanna tibambang tu tau iato mai nakande pa’dang.

2 SAMUEL 11:26

Iatonna rangimi bainena Uria tu diona muanena matemo, napassanda bolongammi.

YOHANES 11:19

Budamo tu to Yahudi sae lako Marta sola Maria umpakatanai tu diona siulu’na.

1 SAMUEL 22:6

Narangimi Saul te kareba iate, belanna kaissanammo tu Daud sola mintu’ passolanna. Unnisungmi tu Saul dio Gibea diong garonto’ kayu tamarisa’ dao inan madao sitoe doke namintu’ to mase’ponna bendan dio sa’dena patomali.