1 SAMUEL 30:7 - Sura' Madatu

⁷ Ma’kadami Daud lako to minaa Abyatar, anakna Ahimelekh: Baanna’ mai tu epo’. Nabaami Abyatar tu epo’ lako Daud.

1 SAMUEL 30:7 ပူးပေါင်းရင်းမြစ်များ

1 DATU 2:26

Nakuami tu datu lako to minaa Abyatar: Maleko lako Anatot, lako to’ bela’mu, belanna to sipatu dukako la dipatei, apa tae’ kula umpateiko totemo, belanna iko tu umbulle pattinNa Puangta PUANG dio olona ambe’ku Daud sia belanna pada muperasai ambe’ku tu mintu’ kamaparrisan.

KATASSURAN 28:6

Iatu epo’ bulaan la digaraga sia bannang lango-lango sia bannang lango-lango makaseda sia bannang karamisi sia lenang dikaridi’: misa’ pa’tannun kamanarangan.

MARKUS 2:26

Matumbari natama banuanNa Puang Matua tonna Abyatar Tominaa Kapua anna kandei tu roti dipennoloan, tu pemali ungkandei sangadinna to minaa manna ia, sia naben duka tu to nasiban?

1 SAMUEL 10:22

Mekutanaomi tu tau lako PUANG, nakua: Ba’tu saemi tu tau iato?, anNa balii PUANG, Nakua: Manassa membunimo lan lu to’ pareanan.

1 SAMUEL 14:18

Ma’kadami tu Saul lako Ahia, nakua: Baai mai tu pattinNa Puang Matua; belanna attu iato iatu pattinNa Puang Matua dio lu to Israel.

1 SAMUEL 14:19

Iatonna marassan bangsiapa tu Saul ma’kada lako to minaa iato, sakerangngan-rangngannami tu kamaramban dio to’ tenda surodadu to Filistin, iamoto anna ma’kada pole’o tu Saul lako to minaa, nakua: Torroimi.