1 SAMUEL 3:7 - Sura' Madatu

⁷ Iatu Samuel tae’pa natandai tu PUANG sia tae’ lenpa misa’ tu kadanNa PUANG dipaombo’ lako kalena.

1 SAMUEL 3:7 ပူးပေါင်းရင်းမြစ်များ

YEREMIA 9:24

apa iatu to la morai massattuan, melo ke massattuanni, belanna paissan sia natandaiNa’, kumua Akumo tu PUANG, tu umpalalo kamasokanan sia kamalamburan sia kamaloloan dao kuli’na padang; belanna naala penaangKu tu to massattuan susito, kadanNa PUANG.

PENGGAURANNA RASULU’ 19:2

Nakuami ungkuanni tu tau iato: Narampoimorokomika Penaa Masallo’ tommi ma’patongan? Nakuami mebali tu tau: Tae’pa kami kirangi lenni kumua den tu Penaa Masallo’.

1 KORINTUS 13:11

Iatongku piapa, ma’kada pia siamo’, sia ma’penaa pia sia ma’tangnga’ pia; apa iate kasallekumo, kurampanan nasangmo tu kedo piaku.

1 SAMUEL 3:6

Natambai pole’omi PUANG tu Samuel. Millikmi tu Samuel anna male lako Eli, anna ma’kada nakua: Inde siana’, apara mitambanna’? Apa mebali tu Eli, nakua: Tae’ra kumetamba, e anakku; melo kesuleko mamma’.

1 SAMUEL 3:8

Natambai pole’omi PUANG tu Samuel ma’pentallunnamoto, anna millik namale lako Eli anna ma’kada, nakua: Inde siana’, apara mitambanna’? Attu iato maneri naissan Eli, kumua PUANG untambai tu tomangura iato.