1 SAMUEL 3:4 - Sura' Madatu

⁴ Natambaimi PUANG tu Samuel, anna ma’kada nakua: Inde siana’.

1 SAMUEL 3:4 ပူးပေါင်းရင်းမြစ်များ

KADADIAN 22:1

Pakalan denmi pissan, iamo tonna mangka tu mintu’nato, Natobami Puang Matua tu Abraham, Nakua lako: E Abraham! Ma’kadami: Inde siana’, Puang!

KADADIAN 22:11

Apa metamba lako kalena tu malaeka’Na PUANG dao mai suruga Nakua: E Abraham, Abraham. Mebalimi nakua: Inde siana’, Puang!

PA’PUDIAN 99:6

Iatu Musa sola Harun tama bilangan to minaanNa, na iatu Samuel tama bilanganna to umpengkamoyai sanganNa; mintu’i sola nasang pada meongli’ lako PUANG, sia Natanannimo talinga tu tau iato mai.

KATASSURAN 3:4

Iatonna tiroi PUANG tu Musa la sae untiroi, metambami Puang Matua lako lan mai to’ duri iato, Nakua: E Musa, Musa! Mebalimi nakua: Io Puang!

YESAYA 6:8

Mangkato kurangimi tu kadanNa Puang Nakua: Mindara tu la Kusua? Mindara tu la Kiposumbungan puduk? Mebalimo’ kukua: Indena’, suamo’.

PENGGAURANNA RASULU’ 9:4

Songkami rokko padang, anna rangii tu gamara umpa’kadai kumua: E Saulus, Saulus, ma’apari mupakario-rioNa’?

1 KORINTUS 12:28

Napamanassamo Puang Matua ba’tu pira-pira tu tau lan kombongan, bunga’na rasulu’, ma’penduanna nabi, ma’pentallunna guru, namane penggauran kalle-kallean, namane pole’ pa’kamase ma’pamaleke, pentoean pa’tunduan, pentoean ma’parenta, ma’rupa-rupa pa’kamase diona basa.

1 SAMUEL 3:5

Ma’dondomi male lako Eli anna ma’kada nakua: Inde siana’, apara mitambanna’? Apa mebali tu Eli, nakua: Tae’ra kumetamba, malemoko mamma’ sule. Malemi anna mamma’ sule.