1 SAMUEL 3:19 - Sura' Madatu

¹⁹ Sakapua-puanami tu Samuel sia Narondong PUANG sia moi sangbuku tu mintu’ kadanNa tae’ tang membua.

1 SAMUEL 3:19 ပူးပေါင်းရင်းမြစ်များ

KADADIAN 21:22

Ma’kadami tonna attu iato lako Abraham tu Abimelekh sola Pikhol, pa’baraninna, nakua: Iatu kamu narondongkomi Puang Matua lan mintu’ penggauran mipogau’.

KADADIAN 28:15

Manassa la Kurondongko sia la Kurinding pala’ko umba-umba muola sia la Kupasuleko indete padang iate, belanna tae’ angKu la untampeko sae lako Kupogau’na tu apa mangka Kuallu’ lako kalemu.

KADADIAN 39:2

Iatu Yusuf Narondong PUANG naurunganni maupa’ lan mintu’na sia torro mengkarang lah banuanna puangna, iamotu to Mesir.

KADADIAN 39:3

Iatonna tiroi puangna Narondong PUANG sia PUANG umpamaupa’i tu mintu’ napogau’na tete dio Yusuf,

1 DATU 8:56

Mintu’na kadipudian lu langngan nasang PUANG, tu umpa’kamasean kamarampasan lako to Israel, taunNa, susitu mintu’ apa mangka Napokada; moi sangbuku kada tae’ tu tang landa’ dio mai tu mintu’ kada melo, tu mangka Napokada, nalopian Musa, taunNa.

2 DATU 10:10

La miissan kumua moi sangbuku kada tae’ tang dadi tu mintu’ kadanNa PUANG tu apa Napokada PUANG la urrampoi bati’na Ahab; na sundunni PUANG tu apa Napokada nalopian Elia, taunNa.

2 DATU 15:12

Susimorato tu kadanNa PUANG tu mangka Napokada lako Yehu, nakua: Iatu mai anakmu muane la unisung dao isungan kapayunganna Israel sae lako osso’ ma’penna’pa’na. Dadi dukami susito.

2 DATU 22:16

Inde sia tu kadanNa PUANG, Nakua: Manassa la Kuparampoi kamandasan te inan iate sia mintu’ to torro lan, iamotu mintu’ apa lan sura’ tu mangka nabasa datu to Yehuda,

YESAYA 43:2

Iake ussassangko uai, la Kurondongko, sia iake ullambanko salu, tae’ anna la ungkabu’ko; iake unnolaiko to’ api, tae’ anna la ungkandeko sia tae’ anna la’poiko.

YESAYA 44:26

Akumo umpasundunni tu kadanna taungKu sia umpalanda’i tu apa napa’peissanan dolomo sumbungan pudukKu; Akumo tu ma’kada lako Yerusalem kumua: La napa’tondokkipoko tau, na lako mintu’ kota Yehuda: La dibangun polekomi, sia mintu’ tembo’ ro’pokmi la Kupabendan sule.

YESAYA 55:11

Susi duka tu kadangKu sunmo dio randan pudukKu, kumua tae’ anna la sule lo’bang lako Kaleku, sangadinna umpalolang apa Kuporai sia umpalalo mintu’ tu apa Kusuanni.

MATIUS 1:23

Manassa la ma’tambuk tu anak dara iato na undadian misa’ pia muane sia nasangai tau: Imanuel, ke dipallemba’i, battuananna: Puang Matua urrondongki’.

LUKAS 1:28

Tonna tamamo tu malaeka’, nakuami lako: Kurre sumanga’mu, e to dikamasei la Narondongmoko Puang Matua.

LUKAS 1:80

Sakapua-puanami tinde pia, saponno-ponnona Penaa Masallo’ lan ba’tengna; dio bangmi lu padang pangallaran sae lako umpa’pekitananna kalena lako to Israel.

LUKAS 2:40

Sakapua-puanami tinde Pia samatoto’-toto’Na sia Naponnoi kakinaan sia tae’ natore pa’kamaseanNa Puang Matua lako.

LUKAS 2:52

Sakerangngan-rangngannami kamanaranganNa tu Puang Yesu sia kakapuanNa situru’ pa’poraianNa Puang Matua sia tolino.

2 KORINTUS 13:11

Ma’katampakanna, e kamu siulu’ku, parannukomi, tuntunni tu miposielle’na, alakomi pa’pakilala, sanginaakomi, sikaelokomi. AnNa Puang Matuamora tu oto’na kamamasean sia kamarampasan urrondongkomi.

PA’TOLE 18:22

Iake ma’kadai tu misa’ nabi tete dio sanganNa PUANG, anna tae’ nadipalanda’ tu kadanna sia tae’ nabuai, manassa apa iato misa’ kada tang Napokada PUANG. Matampo penaanna tu nabi iato, anna pokadai tu iannato, da mukataku’i tu nabi iato.

2 TIMOTIUS 4:22

AnNa Puangmora urrondong penaammu sia pa’kamaseanNamora Puang Matua urrondongkomi sola nasang.

YOSUA 21:45

Tae’ misa’ tang dadi tu mintu’ kada melo tu Naallu’ PUANG lako to Israel, sangadinna dadi nasang.

TO PARENGNGE’ 13:24

Undadiammi misa’ pia muane tu baine iato, nasangai: Simson. Salobo’-lobo’nami tu pia iato, sia Napamasakke-sakke PUANG.

1 SAMUEL 10:7

Iake sae nasangmi te tanda iate lako kalemu, pogau’mi tu ma’dinna mupogau’, belanna Puang Matua urrondongko.

1 SAMUEL 12:2

Totemo, tiromi tu datu iato ullopiangkomi. Apa iatu aku te matuamo’ sia ubanammo’; iatu anakku muane da’dua iti’ sia misisolan; iatu aku randuk dio mai mangurangku ullopiangkomi sae lako allo iate.

1 SAMUEL 16:18

Attu iato mebalimi misa’ to mase’ponna datu, nakua: Kutiro den misa’ anakna Isai, to Betlehem manarang ma’katapi, ondongpi ia misa’ pa’barani lalong sia malinta’ sia malute ma’kada, misa’ to melo pati’na sia Narondong PUANG.

1 SAMUEL 18:12

Nakataku’mi Saul tu Daud, belanna Narondong ia PUANG, natoyangmo tu Puang dio mai Saul.

1 SAMUEL 18:14

Iatu Daud maupa’ dio lu mintu’ lalanna, belanna Narondong PUANG.

1 SAMUEL 18:5

Ianna tassu’ male tu Daud, ke nasuaoi Saul, tontong bang patalo; iamoto anna angka’i Saul pangulu surodadu. Na iatu iannato naala penaanna to buda sia mintu’ to naala parea Saul.

1 SAMUEL 2:21

Natontongi rupami PUANG tu Hana, anna ma’tambuk pole’, nadadian pia muane tallu anna baine da’dua. Iatu Samuel, pia iato, sakapua-puana torro dio oloNa PUANG.

1 SAMUEL 2:26

Iatu Samuel, to mangura iato, sakapua-puana, sanaala-alanna penaanNa PUANG sia tolino.

1 SAMUEL 9:6

Mebalimi nakua: Lan kota iate den misa’ taunNa Puang Matua, iamo misa’ to mala’bi’; manassa dadi tongan tu mintu’ napokadanna. Melo ke laoki’ lako, den sia manii upa’ napokadangki’ tu diona apa tatungkanan.