1 SAMUEL 3:18 - Sura' Madatu

¹⁸ Napokadammi Samuel tu mintu’ kada iato, moi sangbuku kada tae’ nabuni len. Nakuami Eli: Iamo Ia PUANG, da’ito anNa pogau’i tu apa Nasanga melo dio pentiroNa.

1 SAMUEL 3:18 ပူးပေါင်းရင်းမြစ်များ

KADADIAN 18:25

Toyang ia tondonna lalan dio mai Puang la umpogau’i tu susinnato, la umpasipatei to kadake tu to malambu’, butung Napasangtinti to kadake tu to malambu’; toyang ia tondonna lalan dio mai Puang to. Ma’apari Ia tu To Ma’paolai salunna te mintu’ lino anna tae’ra Nala umpasalunnai tu salunna?

2 SAMUEL 10:12

La baraniko sia la lalongki’ belanna bangsata sia belanna mintu’ kotana Kapenombanta. Na PUANGmora umpogau’i tu apa naala penaanNa.

2 SAMUEL 15:26

Apa iake Nakuai kadanNa kumua: Tae’mo Kuporaiko, inaanNa bang, da’ito anNa pogau’i lako kaleku tu Nasanganna melo.

2 DATU 20:19

Ma’kadami Hizkia lako Yesaya nakua: Melo tu kadanNa PUANG tu mipokada. Sia natangnga’ dukapa: La tontongpa tu kamarampasan lan mintu’ allo katuoangku.

1 OSSORANNA DATU 19:13

La batta’ko sia la lalongki’ belanna bangsata sia belanna mintu’ kotana Kapenombanta. Na PUANGmora umpogau’i tu apa naala penaanNa.

AYUB 1:21

Ma’kale-kalena’ tassu’ lan mai pa’tambukanna indo’ku, la ma’kale-kale dukana’ sule lako. PUANG mangka umpa’benganni, PUANG mangka unnalai sule sanganNa PUANG la dipudi.

AYUB 2:10

Apa mebali lako bainena nakua: Susiko misa’ to maro-maro ma’kada; ia mannaraka tu melona la tatarima dio mai Puang Matua, anna kadakena tae? Lan te mintu’nate tae’ tu kada sala sun dio pudukna Ayub.

PA’PUDIAN 39:9

Rampananna’ dio mai mintu’ salaku, sia da Mipatulangdanna’ napotombonan dollok to baga.

KATASSURAN 34:5

Songlo’mi tu PUANG lan sangkombong gaun, anna sae bendan umpentireke’i, sia ussa’bu’ sanganNa PUANG.

YESAYA 39:8

Ma’kadami Hizkia lako Yesaya, nakua: Melo tu kadanNa PUANG tu mipokada. Sia nakuapa: La tontongpa tu kamarampasan lan mintu’ allo katuoangku.

YEREMIA 34:6

Naparampomi nabi Yeremia te mintu’ kada iate lako Zedekia, datu Yehuda dio Yerusalem,

YEREMIA 38:14

Nasuami datu Zedekia tu tau ussolan nabi Yeremia lako to’ ba’ba ma’pentallunna dio banuanNa PUANG, nama’kada tu datu lako Yeremia, nakua: La umpekutananna’ misa’ apa lako kalemi, moi misa’ da mibunianna’.

YEREMIA 42:4

Mebalimi nabi Yeremia lako tau iato mai, nakua: Kuturu’mo tu palakummi; manassa la massambayangna’ lako PUANG, Kapenombammi, susitu kadammi, sia iatu mintu’ kada tu Napebalian PUANG lako kalemi, la Kupokadangkomi; moi sangbuku kada tae’ angku la umbuniangkomi.

BATING 3:39

Ma’apai nasumarro tu tolino lan katuoanna? Melo ke pantan sumarroi diona kasalanna.

SURA’ KATOMINAAN 10:3

Ma’kadami tu Musa lako Harun nakua: Inde sia tu Napokada PUANG Nakua: Lako tu tau rengke’ tongan dio Kaleku, la Kupamanassan kumua MaindanNa’ sia dio pentirona mintu’ bangsa la Kupapayan tu kamala’birangKu. Kappami tu Harun.

1 PETRUS 5:6

Iamoto la mipamadiongan tu kalemi diong to’ lima matoto’Na Puang Matua umpoissan angge maritik, anNa pamalangka’komi ke attunNami.

TO PARENGNGE’ 10:15

Ma’kadami tu to Israel lako PUANG, nakua: Umpogau’mokan kasalan. Pogau’ bangmi lako kaleki tu Misanganna melo, podo Mirampanangkan te allo iate!