1 SAMUEL 3:13 - Sura' Madatu

¹³ Belanna mangkamo Kupa’peissanan, kumua Aku la unnukungi tu to lan banuanna sae lakona, diona tu mintu’ kakadakean naissan, belanna iatonna umpasae tampak ropu lako kalena tu anakna sola duai, inang tae’ bang nagarrakki.

1 SAMUEL 3:13 ပူးပေါင်းရင်းမြစ်များ

1 DATU 1:6

Tae’ bangpa naada’i ambe’na angge tuona, kumua: Ma’apari ammu ma’gau’ susirato? Sia pissanmito lendu’ ia melona tu pati’na, sia ia undampi’ Absalom.

1 DATU 2:44

Sia nakuapa tu datu lako Simei: Muissan duka sia tu mintu’ kakadakean – lan duka sia penaammu – tu mugauran ambe’ku Daud; totemo la Napasule PUANG langngan ulummu tu mintu’ kakadakeammu.

2 OSSORANNA DATU 20:12

O Kapenombangki, tae’raka Mila unnukungi tu tau iato mai? Belanna iake kami tang pa’belakanni la umpatananni tu surodadu pada budannato, tu sae ullaoikan, sia tae’ kitandai tu apa sipatu la kipogau’, apa lako Kalemi kinii mentingara.

SARAMBU PEADA’ 19:18

Pa’dikki tu anakmu muane, su’ding murannuan siapi, apa da’ maro’ mula umpatei.

SARAMBU PEADA’ 29:15

Iatu pebamba sia peada’ umpaden kakinaan, apa iatu pia muane disa’biangan bang, umpamasiri’ indo’na’.

TOMANGADA’ 7:22

Belanna pembudamo tuo lan penaammu, kumua unggatai dukako to senga’.

YEHEZKIEL 18:30

Iamoto angKu la umpaolaikomi salunna pantan sitinaya penggauranmi, e to Israel, kadanNa Puangta PUANG. Mengkatoba’komi sia balikkomi dio mai mintu’ salami, da mipobannangi titodo sae lako tobang rokko kakadakean.

YEHEZKIEL 7:3

Totemo narampoimoko tu katampakanna, belanna la Kuparampoiko kasengkeangKu sia la Kuukungko sitinaya gau’mu sia la Kupapakkanni lako kalemu tu mintu’ penggauran megalliammu.

YOËL 3:12

La ke’de’ tu mintu’ bangsa sia male rokko lombok Yosafat, belanna inde to diong la Kunii unnisung la urra’ta’i ukunganna tu mintu’ bangsa tiku lao.

MATIUS 10:37

Minda-minda tu umpalosong ambe’na ba’tu indo’na nakamali’ na Aku, tae’ nasipatu lako Kaleku; sia minda-minda tu umpalosong anakna muane ba’tu anakna baine nakamali’ na Aku, tae’ nasipatu lako Kaleku.

PA’TOLE 17:12

Iatu muane, tu matampo gau’na, anna tang umperangii tu to minaa, tu untoe pentoean dio PUANG, Kapenombammu, ba’tu to mangra’ta’, tau iato la mate. Susimoto la mupa’dei tu apa kadake lan mai Israel.

PA’TOLE 21:18

Iake den misa’ muane, unnampui misa’ pia muane torokossik sia pabali-bali, noka umperangii tu ambe’na sia indo’na, sia tang sopati moi anna pandasami,

1 YOHANES 3:20

belanna moi napasalaki’ penaanta, apa mambela kapuanNa tu Puang Matua na penaannta, sia unnissan mintu’na apa.

1 SAMUEL 2:12

Iatu mai anakna muane Eli sala’ kedo, tae’ nadampangi tu PUANG sia iatu katongananna sia taana to minaa, ke to buda sae memala’.

1 SAMUEL 2:17

Susimoto namandu kapua kasalanna tu to mangura da’dua dio oloNa PUANG, belanna tae’mo nadampangi tau tu kapemalaran lako PUANG.