1 SAMUEL 3:10 - Sura' Madatu

¹⁰ Saemi tu PUANG bendan dio sia Natambai susito lendu’na, Nakua: E Samuel, Samuel! Mebalimi tu Samuel: Ma’kadamoKomi, belanna napatananmo tu talinganna taumMi.

1 SAMUEL 3:10 ပူးပေါင်းရင်းမြစ်များ

YOSUA 5:14

Apa mebali, nakua: Tangia, sangadinna aku te Arungna mintu’ ma’dandan maritikNa PUANG; totemo saemo’. Tukkumi menomba tu Yosua rokko padang sia ma’kada lako nakua: Apara kadanNa Puangku lako taunna?

1 SAMUEL 12:2

Totemo, tiromi tu datu iato ullopiangkomi. Apa iatu aku te matuamo’ sia ubanammo’; iatu anakku muane da’dua iti’ sia misisolan; iatu aku randuk dio mai mangurangku ullopiangkomi sae lako allo iate.

1 SAMUEL 3:11

Ma’kadami tu PUANG lako Samuel, Nakua: Manassa la umpogau’Na’ misa’ penggauran lan lu to Israel, naurungan tilanta’ lan talinganna minda-minda urrangii.

1 SAMUEL 3:15

Mamma’mi tu Samuel sae lako melambi’; anna bungka’i tu ba’ba banuanNa PUANG, apa mataku’ tu Samuel umpokadanni Eli tu patiro mendeata iato.

1 SAMUEL 3:21

Mempaan pole’omi tu PUANG dio Silo, belanna umpaombo’ Kalena lako Samuel dio Silo tete dio kadanNa PUANG.

1 SAMUEL 3:8

Natambai pole’omi PUANG tu Samuel ma’pentallunnamoto, anna millik namale lako Eli anna ma’kada, nakua: Inde siana’, apara mitambanna’? Attu iato maneri naissan Eli, kumua PUANG untambai tu tomangura iato.

1 SAMUEL 3:9

Iamoto ma’kadami tu Eli lako Samuel, nakua: Malemoko mamma’ sule’; iake Natambai pole’ko, la mebaliko mukua: Ma’kadamoKomi PUANG, belanna napatananmo tu talinganna taumMi. Malemi tu Samuel anna mamma’ sule dao inanna.