1 SAMUEL 29:3 - Sura' Madatu

³ ma’kadami mintu’ pangulunna surodadu to Filistin, nakua: Ma’apari tu mintu’ to Ibrani indete? Nakuami Akhis lako mintu’ pangulunna surodadu to Filistin: Tangiaraka Daud te, taunna Saul, datu to Israel, tu taun iate, sia ba’tu sangapa-apamo masainna kusisolan, na moi misa’ salana tae’ kuapparan temponna messarak lako kita sae lako allo iate.

1 SAMUEL 29:3 ပူးပေါင်းရင်းမြစ်များ

KADADIAN 14:13

Ta’kala saemi misa’ tau tu umpallaian kalena umpokadai tu iannato lako Abram, to Ibrani, torro dio to’ kayu tarpin Mamre, misa’ to Amori, tu siulu’ Eskol sia siulu’na Aner, iamo to sibasse Abram.

1 OSSORANNA DATU 12:19

Dio mai Manasye denni tilele male unturu’ Daud, tonna male sola to Filistin la sirari Saul; moi susito tae’ duka natundui Daud, belanna natimbang tongan arung kota to Filistin anna suai sule, belanna nakua: La naalai ulunta namane untampeki’ sule lako Saul, puangna.

1 OSSORANNA DATU 12:20

Iatonna malemo tu Daud lako Ziklag, tilelemi dio mai to Manasye male unturu’ Daud: tu Adnah, Yozabad, Yediael, Mikhael, Yozabad, Elihu na Ziletai, pangulunna to sangsa’bu dio Manasye.

DANIEL 6:5

Undaka’-daka’mi lalan tu mintu’ to maraa akkele’na datu na iatu mintu’ to maraa lompo la umpa’parampoan Daniel diona kama’parentan lan kadatuan iato, apa moi misa’ tae’ nakabu’tui tu la napobannang nanii umpa’parampoanni ba’tu kadakena, belanna ia misa’ to maruru’ sia to tae’ bang sala ba’tu kakadakean diappa’ dio kalena.

YOHANES 19:6

Iatonna kitami mintu’ pangulu to minaa sia mintu’ solana, rambanmi metamba nakua: A’ta’I Ia tu, a’ta’I Ia tu! Nakuami Pilatus ungkuanni tu tau: Alami kamu, mia’ta’I! Belanna tae’ aku kukabu’tui tu salaNa.

ROMA 12:17

Da mipasipakkan kakadakean lako misa’ duka tau. Karitutui tu kameloan dio tingayona tau.

1 PETRUS 3:16

sia bannang putekomi, dikua anna diona kanasangammi tau kadake, iamo napomasiri’ to ussayu torro ke’de’ melomi lan Kristus.

1 SAMUEL 14:11

Iatonna pa’petiroammo kalena sola duai lako surodadu pa’kampana to Filistin, nakuami tu to Filistin: Tassu’mo tu to Ibrani lan mai kalo’tok, tu naninna membuni.

1 SAMUEL 25:28

Pagarri’i tu kapatodo-tintinganna kaunanmi, apa PUANG la unggaragangkomi misa’ banua matontongan, belanna mipogau’mo tu rarinNa PUANG sia moi misa’ kakadakean tae’ diapparan dio kalemi lan mintu’ allo katuoammi.

1 SAMUEL 27:1

Undinnato ma’tangnga’mi Daud, nakua: Ba’tu umbami allo anna sanggangina’ Saul. Tae’ senga’na tu la kupomelo, sangadinna la malena’ umpentilindungan kaleku lako to Filistin; iake susito, manassa natoreimo Saul undaka’na’ lan mintu’ lili’na tana Israel sia tilendokmo’ dio mai limanna.

1 SAMUEL 27:7

Iatu masainna Daud umpa’tondokki tondok to Filistin sangtaun patang bulan.

1 SAMUEL 29:6

Attu iato natambaimi Akhis tu Daud, anna ma’kada lako nakua: La lelukraka tuoNa PUANG, anna la leluk tu kabulolollongammi, iake aku kusanga melo, ke maleki’ sia suleki’ sola surodadu, belanna tae’ kuapparanni tu kakadakeammi tempommi sae umpelambi’ina’ sae lako allo iate. Apa tang naalakomi penaanna mintu’ arung kota to Filistin.

1 SAMUEL 4:6

Iatonna rangimi to Filistin tu arrak iato, nakuami: Arrak apara ia tu mamak kadake dio to’ tenda surodadunna to Ibrani? Attu iato narangimi kumua iatu pattinNa PUANG rampomo tama to’ tenda surodadu iato.