1 SAMUEL 28:7 - Sura' Madatu

⁷ Ma’kadami Saul lako taunna, nakua: Dakaranna’ misa’ baine pakita bombo, angku nii lao umpalaku pa’timbangan. Nakuami tu taunna lako: Dio En-Dor den misa’ baine pakita bombo.

1 SAMUEL 28:7 ပူးပေါင်းရင်းမြစ်များ

2 DATU 6:33

Marassan bangsia sipa’kada-kada tau iato mai, ta’kala saemi tu pesua lako kalena. Nakuami tu datu: Manassa mandu tongan tu kamandasan naparampoangki’ PUANG! Apara gai’ku urrannuampa PUANG?

1 OSSORANNA DATU 10:13

Susimoto tu kamateanna Saul, belanna tang maruru’ lako PUANG sia belanna tae’ napalan penaai tu kadanNa PUANG, ondongpi male mekutana sia umpalaku pa’timbangan lako bombo to mate,

PA’PUDIAN 83:10

Parampoi tu tau iato mai susitu mangka Miparampoan to Midian, sia susitu lako Sisera, sia susi lako Yabin dio randan salu Kison.

YESAYA 19:3

Attu iato iatu tangnga’na to Mesir la putta, sia la Kudampa tu tanan penaanna; anna male mekutana lako dipa’deatainna sia mintu’ to ma’basa-basa sia bombo to mate sia to sola deata.

SURA’ KATOMINAAN 19:31

Da mima’palulako bombo to mate, ba’tu lako to sola-sola bombo; da midaka’i tu tau iato mai la urruttakki kalemi: Akumo tu PUANG, Kapenombammi.

HABAKUK 2:3

Belanna iatu patiro mendeata umpeagipa tu attu dipamanassa, apa la madoi’ male lako ma’katampakanna sia tae’ nabuttok; iake malelanpi, la mukampai, belanna la sae tongan, sia tae’ nala torro.

PENGGAURANNA RASULU’ 16:16

Denmi pissan tongki lao lako to’ inan nanii tau massambayang, sitammumokan misa’ kaunan baine, to ma’deata pakita-kita, kesaro la’da’ tonganmo tu puangna diona pakita-kitanna.

PA’TOLE 18:11

to ma’basa-basa, da naden to sola-sola bombo, ba’tu sola-sola deata ba’tu umpalaku pa’pentimbangan lako to mate.

YOSUA 17:11

Iatu kota lan Isakhar sia lan Asyer tu napotaa Manasye, iamotu Bet-Sean sola lili’na, Yibleam sola lili’na, to torro dio Dor sola lili’na, to torro dio En-Dor sola lili’na, to torro dio Taanakh sola lili’na sia to torro dio Megido sola lili’na, iamotu tallu tondok ma’tanete.

1 SAMUEL 28:3

Iatu Samuel matemo namintu’ to Israel ma’pote dibolong, anna lamunni dio Rama, tondokna. Naali’mi Saul lan mai tondok tu mintu’ to sola-sola bombo sia mintu’ to pakita-kita.