1 SAMUEL 28:6 - Sura' Madatu

⁶ Mekutanami tu Saul lako PUANG, apa tang Napebalii PUANG, la tete dio pangimpi, ba’tu Urim, ba’tu nabi.

1 SAMUEL 28:6 ပူးပေါင်းရင်းမြစ်များ

2 SAMUEL 22:42

Mentiro-tiro bang tu tau iato mai, apa tae’ misa’ tau untundui, ummanta-mantai PUANG, apa tae’ Napebalii.

PA’PUDIAN 74:9

Tae’mo tandaki kitiro, tae’ bangmo misa’ nabi, sia tae’ bangkan misa’ unnissanni, kumua ba’tu la sangapapa te iannate.

KATASSURAN 28:20

iato borong ma’penna’pa’na, sangbatu parimata pirusa’, sangbatu parimata ake’ maido, na sangbatu parimata nepri’; mintu’ parimata iato la disa’pi’ bulaan lan to’ inanna.

KATASSURAN 28:30

Lan tu pesambo ara’ pangra’ta’ la mupannii Urim sia Tumim, kumua anna daona lu penaanna Harun, ke mennoloi lako PUANG, sia natontong Harun urrengnge’i daona lu penaanna dio oloNa PUANG la umpadenan kara’tasan to Israel.

SARAMBU PEADA’ 27:1

Da mumassattuan diona tu allo masiang, belanna tae’ mutandai apa tu ma’din napabu’tu allo iato.

YEREMIA 23:28

Iatu nabi mangimpi la napokada tu pangimpinna sia iatu to nanii kadangKu la napokada situru’ kamanapparan; samaraka tu dalame anna gandung? kadanna PUANG.

BATING 2:9

Iatu babanganna lamma’ nasang rokko padang, iatu salli’na nasanggangmo sia Natesse-tesse; iatu datunna sia iatu mai arungna mentialla’mo dio lu mintu’ bangsa, iatu pangadaran diona sukaran aluk tae’mo; sia iatu mai nabi tang unnappa’mo patiro mendeata dio mai PUANG.

YOËL 2:28

Undinna dio mai to la dadi kumua la untuaranNa’ PenaangKu lako mintu’ ma’rupa tau, anna ma’nubua’ tu anakmi muane sia anakmi baine; sia iatu mai to matua-tuammi la ungkita tindo ma’rupa-rupa tindo sia iatu mai to mangurammi la ungkita ma’rupa-rupa patiro mendeata.

SURA’ KATOMINAAN 8:8

Mangkato napalakoimi pesambo ara’ sia napatamai pesambo ara’ tu Urim sia Tumim.

MIKHA 3:7

Mintu’ to patanda-tandan la kasirisan sia mintu’ to pakita-kita la bangngo ara’, anna samboi tu puduk daoanna, belanna tae’ Napebalii Puang Matua.

KADIBILANGAN 12:6

Ma’kadami tu Puang Nakua: Perangimi tu kadangKu. Iake denkomi misa’ nabi, ma’din Kupasombo tu Kaleku lan patiro mendeata, ba’tu ma’kada lako kalena lan tindo.

KADIBILANGAN 27:21

La bendan dio olona to minaa Eleazar anna pekutananni to minaa Eleazar tu pangra’ta’na Urim dio oloNa PUANG. Anna tete dio parentaNa anna lu tama lu lan mai tu tau iato mai, la ia la iatu mintu’ to Israel nasisolan, sia mintu’ kasirampunan.

MATIUS 1:20

Apa iatonna susimo tangnga’na to, nakita tindomi tu malaeka’Na Puang misa’, nakua: E Yusuf, tarukna Daud, da mubata unnalai tu Maria mupobaine, belanna iatu natambuk lu dio mai Penaa Massallo’.

YOHANES 9:31

Taissan kumua tae’ Naperangii Puang Matua tu passambayangna to umpogau’ kasalan, iari ia tu to umpengkara’pai sia umpogau’ pa’poraianNa tu Naperangii.

PA’TOLE 33:8

Iatu diona Lewi ma’kada nakua: Iatu TumimMi sia UrimMi napoapa tu to naala penaamMi, tu Mitoba dio Masa, tu Miposigaga dio to’ uainna Meriba;

YAKOBUS 4:3

sia massambayangkomi, apa tae’ miappa’i, belanna sala passambayangmi, tu belanna la misa’sakan unturu’ kamoraiammi.

1 SAMUEL 14:37

Mekutanami tu Saul lako Puang Matua, nakua: Ma’dinra’ka mengkalao unnula’i tu to Filistin? La Misorong siaraka tama limanna to Israel? Apa iatonna allo iato tae’ Napebalii.

1 SAMUEL 28:15

Nakuami Samuel lako Saul: Ma’apai mirosona’ sia mipamalimbangunna’? Nakuami Saul: Pussak maro’mo’, belanna sirarimo’ to Filistin na iatu Puang Matua toyangmo dio mai kaleku, tae’mo Napebaliina’, la tete dio pudukna nabi ba’tu tindo; iamoto angku tambaikomi, ammi pokadanna’ apa tu sipatu la kupogau’.

1 SAMUEL 28:5

Iatonna tiromi Saul tu surodadu to Filistin, mataku’mi sia lendu’ ma’parondona penaanna.