1 SAMUEL 28:23 - Sura' Madatu

²³ Apa manoka, nakuami: Tae’ angku la kumande. Nanaran-naranmi taunna sola baine iato tu datu, pakalan naturu’mi, anna malimbangun diong mai padang anna unno’ko’ dao inan mamma’.

1 SAMUEL 28:23 ပူးပေါင်းရင်းမြစ်များ

1 DATU 21:4

Sulemi tu Ahab tama banuanna kumamu’dang sia sengke diona tu kada mangka napokada Nabot to Yizreel lako kalena, susite nakua: tae’ kula ussorongi lako kalemi tu mana’ nene’ to doloku. Umbambangammi kalena dao katindoanna, anna memboko’ bang sia manoka kumande.

2 DATU 4:8

Den sangallo malemi tu Elisa lako Sunem. Denmi dio tu misa’ baine sugi’, tu umpalaku tonganni lako Elisa, kumua anna torro kumande. Undinnato, kemaleomi ullendu’i tondok iato, lendu’mi lako, anna kumande.

2 DATU 5:13

Apa attu iato saemi tu mai to mase’ponna urreke’i, anna ma’kada lako, nakua: O ambe’, ianna den misa’ apa masussa napasanangkomi tu nabi, umba mikua tang la umpogau’i? Ondong polepi totemo nakuan mannakomi: Mendio’komi ammi mondo sule?

ESTER 1:6

Kulambu lenang, wol sia sampin lango-lango dipori ulang lenang sia sampin lango-lango makaseda, tu dipale’ke’ dio kapukan salaka, tu dio lentong marmar mabusa; na ba’tu pira-pira inan mamma’ bulaan sia salaka dipatorro diong sali marmar maido sia marmar mabusa, sia batu mattiarra sia batu sanda rupanna.

SARAMBU PEADA’ 25:20

Susi to unnalai bayunna, ke attu madingin, sia susi to sukka dipasirau soda, susi dukato tu to sumengo punala bang, moi anna rosso penaanna.

YEHEZKIEL 23:41

Sia unno’ko’ko dio inan mamma’ ballo, sia sakka’mo tu meda dio tingayo inan mamma’ iato, tu munii umpatorro dupaKu sia minna’Ku dao.

LUKAS 14:23

Nakuami tu Puangna lako kaunanna: Maleko lako batatta lompo sia dio lu to’ lalan, ammu parukui tama tu tau, naponnoi te banuangku;

LUKAS 24:29

Apa nana’ran-na’ran tinde tau sola duai, nakua: Tatorromo sola, belanna la bongimo, lambunmo allo. Malemi tama tu Yesu la torro dio sola.

PENGGAURANNA RASULU’ 16:15

Tonna mangkamo didio’ sola to lan banuanna, natamba-tambaimokan, nakua: Iake misanga siai kumua aku te to mengkaola lako Puang, maikomi ammi torro dio banuangku. Naparuku-rukumokan.

2 KORINTUS 5:14

Belanna napatundukkan tu pa’kaboro’Na Kristus, tu kikanassai kumua matemo tu Tau misa’ tu belanna iatu mintu’ tau, iamora bannangnato anna matemo sola nasangi.

1 SAMUEL 28:22

Melo duka ke naturu’i puangku tu kadanna kaunanmi; iamoto la kupalennarangkomi roti sidi’; la mikande ammi matoto’ sule lumingka.