1 SAMUEL 28:15 - Sura' Madatu

¹⁵ Nakuami Samuel lako Saul: Ma’apai mirosona’ sia mipamalimbangunna’? Nakuami Saul: Pussak maro’mo’, belanna sirarimo’ to Filistin na iatu Puang Matua toyangmo dio mai kaleku, tae’mo Napebaliina’, la tete dio pudukna nabi ba’tu tindo; iamoto angku tambaikomi, ammi pokadanna’ apa tu sipatu la kupogau’.

1 SAMUEL 28:15 ပူးပေါင်းရင်းမြစ်များ

PA’PUDIAN 51:11

Pasalaimi matamMi tu mintu’ kasalangku, sia pa’deimi tu mintu’ kakadakeangku.

SARAMBU PEADA’ 14:14

Iatu to pabali-bali umpodia’ lalan penaanna, apa iatu to melo penaanna umpodia’ apa dio kalena.

HOSEA 9:12

Moi umpelobo’i pia muane tu tau iato mai, la Kupasisayuran, naurunganni moi misa’ tau tae’mo torro. Manassa upu’ allona tu tau iato mai, ke untoyangammo’ Kaleku dio mai.

MATIUS 25:41

Namane ma’kada tu Datu lako tu to dio rampe kairinNa kumua: Pallaikomi dio mai oloKu, e tampak ropu, tamamokomi api naraka sae lakona, tu diparandanan deata masussuk sia mintu’ pesuanna.

TO PARENGNGE’ 16:20

Ma’kadami tu Delila lako nakua: E Simson, nalaoimokomi to Filistin! Pana’dingmi sia ma’tangnga’ nakua: Susito lendu’na la tassu’na’ sia ussintakna’ kaleku; apa tae’pa natandai kumua soro’mo tu PUANG dio mai kalena.

1 SAMUEL 18:12

Nakataku’mi Saul tu Daud, belanna Narondong ia PUANG, natoyangmo tu Puang dio mai Saul.

1 SAMUEL 23:2

Mekutanami Daud lako PUANG, nakua: Ma’dinra’ka la male untaloi tu to Filistin? Nakuami PUANG lako Daud: Malemoko, ammu taloi tu to Filistin, murampananni tu tondok Kehila.

1 SAMUEL 23:4

Mekutana pole’omi tu Daud lako PUANG, anNa balii PUANG nakua: Ke’de’moko musolo’ rokko Kehila, belanna mintu’ to Filistin la Kusorong tama limammu.

1 SAMUEL 28:11

Ma’kadami tu baine iato nakua: Mindara tu la kupamalimbangunangkomi? Mebalimi nakua: Pamalimbangunanna’ Samuel.

1 SAMUEL 28:16

Nakuami Samuel: Ma’apai mikutanaina’, Natoyangmo tu PUANG dio mai kalemi sia siualimokomi?

1 SAMUEL 28:6

Mekutanami tu Saul lako PUANG, apa tang Napebalii PUANG, la tete dio pangimpi, ba’tu Urim, ba’tu nabi.

1 SAMUEL 28:8

Umbalilimi kalena tu Saul sia nasondai tu pakeanna, anna male sola tau da’dua, anna rampo sola tallui lako baine iato tonna bongi; anna ma’kada Saul, nakua: Tiro-tiroanna’ lalan tete dio bombo to mate, sia pamalimbangunanna’ tu to kupokadangko.

1 SAMUEL 30:6

Kapussakan tongan tu Daud, belanna iatu to buda sipa’kada-kada la untumbui batu, belanna kamapallanna penaanna tu to buda, tu diona anakna muane sia diona anakna baine, apa iatu Daud umpabatta’ penaanna urrannuan PUANG, Kapenombanna.