1 SAMUEL 28:14 - Sura' Madatu

¹⁴ Nakuami lako: Matumbai rupanna? Mebalimi tu baine iato: Iatu to kendek diong mai, misa’ to matua muane umpennammu’ paramba’. Iatonna issanmi Saul kumua iamo Samuel to, tukkumi sae rokko padang anna menomba.

1 SAMUEL 28:14 ပူးပေါင်းရင်းမြစ်များ

1 DATU 19:19

Ke’de’mi tu Elia dio mai, anna appa’i tu Elisa, anakna Safat, marassan umpa’tengkoan sapi sangpulo dua ayokana naturu’i dio to’ ma’pessangpulo duanna. Iatonna lendu’imi Elia, nabuanganmi bayu lamba’na.

2 DATU 1:7

Ma’kadami datu lako tau iato mai, nakua: To matumbara rupanna tu sae umpessitammuikomi sia umpokadai te kada iate lako kalemi?

2 DATU 2:8

Naalami Elia tu bayu lamba’na, anna lulunni, nasambakki tu uai, anna tipa’dua lu rekke sia lu sau’, anna lamban sola duai dao to’ karangkeanna.

1 SAMUEL 15:27

Iatonna memboko’mo tu Samuel la male, natoemi Saul tu biring bayu lamba’na, anna serek.

1 SAMUEL 24:8

Tete dio kada iate nadampai Daud tu mintu’ taunna sia tae’ naeloranni tu tau iato mai la umpogau’ kadake lako Saul. Ke’de’mi tu Saul lan mai lo’ko’ iato, anna male.

1 SAMUEL 28:13

Ma’kadami datu lako, nakua: Da mumataku’. Apa tu mutiro? Ma’kadami tu baine lako Saul, nakua: Kutiro den tu apa susi deata kendek diong mai padang.