1 SAMUEL 27:9 - Sura' Madatu

⁹ Ianna taloomi Daud to tondok iato, tae’ napatuoi tu muane ba’tu baine sia narampa tu mintu’ domba sia sapi sia keledai sia unta sia tamangkale, anna sule mennolo lako Akhis.

1 SAMUEL 27:9 ပူးပေါင်းရင်းမြစ်များ

KADADIAN 16:7

Nakabu’tuimi Malaeka’Na PUANG sikandappi’ misa’ kalimbuang lan padang pangallaran, iamotu sikandappi’ kalimbuang dio to’ lalan lako tondok Syur.

KADADIAN 25:18

Torromi tu tau iato mai randuk dio mai tondok Hawila sae lako Syur, matallona Mesir, ma’palulako Asyur. Na iatu tau iato ma’tondok sitingoan naninna mintu’ siulu’na.

AYUB 1:3

Iatu apanna pitungsa’bu tu domba sola bembe’, tallungsa’bu tu unta, limaratu’ ayokana tu sapi, na limaratu’ keledai birang, sia buda tongan tu mai pa’dua’na, iamoto na iatu muane iato sugi’ lallang na iatu mai mintu’na pa’tondokan dio rampe matallo.

KATASSURAN 15:22

Mangkato nasuami Musa tu to Israel ke’de’ dio mai tasik Teberau, anna male ma’palulako padang pangallaran Syur; lumingkami lan padang pangallaran tallung allo apa tae’ naappa’ uai.

YOSUA 6:21

Nasabu’imi pa’dang tu mintu’ apa lan tondok iato, la muane la baine la to mangura la to matua, sae lako mintu’ sapi sia domba sia keledai.

1 SAMUEL 15:3

Totemo malemokomi untaloi tu to Amalek, sabui’ tu mintu’ apa dio kalena butung pepayu; da midampangi, sangadinna patei la muane la baine, la pia la anak ma’susupa, la sapi la domba, la unta sia keledai.

1 SAMUEL 15:7

Natalomi Saul tu mintu’ to Amalek randuk dio mai Hawila ma’palulako Syur rampe matallona Mesir.

1 SAMUEL 15:8

Natingkan tuomi tu Agag, datu to Amalek, apa mintu’ to buda nasabu’i pa’dang butung pepayu.