1 SAMUEL 27:2 - Sura' Madatu

² Ke’de’mi tu Daud anna male sola tu tau annanratu’ nasolan, umpelambi’i Akhis, anakna Maokh, datu tondok Gat.

1 SAMUEL 27:2 ပူးပေါင်းရင်းမြစ်များ

1 OSSORANNA DATU 12:1

Inde sia tu tau sae lako Daud dio Ziklag, tonna toyangpa dio mai Saul, anakna muane Kish. Mintu’i te naala bilanganna to lalong, to untundui lan kasirarian.

1 SAMUEL 21:10

Allo ia dukato ke’de’mi tu Daud namallai dio mai olona Saul, anna rampo lako Akhis, datu Gat.

1 SAMUEL 21:11

Apa nakua tu mintu’ to mase’ponna Akhis lako datu: Tangiaraka te tu Daud, datunna tondok iato? Tae’raka na iamotu napa’dandanan tau, nakua: Napatei Saul massa’bu-sa’bu! Apa Daud ma’lampa-lampa!

1 SAMUEL 25:13

Ma’kadami tu Daud lako mintu’ taunna, nakua: La pada untakin nasangkomi pa’dangmi. Pantan untakin nasangmi pa’dangna sia Daud kalena untakin duka pa’dangna, anna male nasang tu tau iato mai unturu’ Daud, agi-agi a’pa’ratu’ tau na duaratu’ tu tau torro dio ungkampai mintu’ parea.

1 SAMUEL 30:8

Mekutanami tu Daud lako PUANG, nakua: Ma’dinraka kuula’i tu kaponan iato? La kulambi’ siaparaka? Nabalimi Puang nakua: Ula’imi, belanna la mulambi’pa sia manassa la murampanan nasang.

1 SAMUEL 30:9

Attu iato malemi tu Daud sola tu tau annanratu’ nasolan, rampomi lako salu Besor. Denmi ba’tu pira-pira tau torro dio.