1 SAMUEL 27:1 - Sura' Madatu

¹ Undinnato ma’tangnga’mi Daud, nakua: Ba’tu umbami allo anna sanggangina’ Saul. Tae’ senga’na tu la kupomelo, sangadinna la malena’ umpentilindungan kaleku lako to Filistin; iake susito, manassa natoreimo Saul undaka’na’ lan mintu’ lili’na tana Israel sia tilendokmo’ dio mai limanna.

1 SAMUEL 27:1 ပူးပေါင်းရင်းမြစ်များ

1 DATU 12:26

Natangnga’mi Yerobeam lan penaanna: Umbai anna sule te kadatuan lako bati’na Daud.

1 DATU 12:28

Nabisarami datu tu iannato, anna garagai da’dua anak sapi bulaan, nakuami lako tau iato mai: Lendu’mo maparri’na, ke malekomi langngan Yerusalem; iamote tu deatammi, e to Israel, tu mangka ussolangkomi sun lan mai tondok Mesir.

1 DATU 19:3

Iatonna issanmi Elia tu iannato, ke’de’mi anna male umpallaian kalena, narampo lako Bersyeba, lili’na Yehuda, anna patorroi dio tu taunna.

2 OSSORANNA DATU 25:17

Mangkato sipa’kada-kadami Amazia, datu Yehuda, tu to naala parea, anna sua tau umparampoi lako Yoas, anakna Yoahas, anakna Yehu, datu Israel, kumua: Maikomi anta sipempangan sirari.

PA’PUDIAN 116:11

Tongku mataku’ angku ma’kada, kukua: Tang mana’pa’ tu mintu’ tolino.

PA’PUDIAN 55:7

Kuurunganni ma’kada: Lendu’ ia maelona, kengku kepani’ susi bu’ku’, angku mentia’ male lako tu ma’dinna kunii torro;

KATASSURAN 14:12

Tae’raka kipokadangkomi dio Mesir, kumua: Popa’elo’na bangmokanni kami, dai’to napokaunan bangmokanni to Mesir. Belanna kila’biranmo napokaunan to Mesir na iatu la mate lan padang pangallaran iate.

SARAMBU PEADA’ 13:12

Iatu kapa’rannuanan dipadapa umpa’dikki penaa, apa ianna sundunmo tu lalan inaa, iamo kayu katuoan.

YESAYA 51:12

Aku, Akumo tu umpakatanako; ma’patumbaroko ammu kataku’ri tu tolino inang la mate, sia ma’rupa tau tu sangtinti riu dibela’i!

KADIBILANGAN 14:3

Ma’apai Nala umbaakan PUANG lako tondok iato, angki tibambang nakande pa’dang sia iatu baineki sia anakki la dirampa? Tae’raka namelo, ke sule bangmokan lako Mesir!

MATIUS 14:31

Tikarami tu Yesu ussorongan limanNa. Natoei sia Nakua ungkuanni: E to tangkan ma’patongan, ma’apai anna bata penaammu?

MARKUS 4:40

Nakuami lako: Ma’apai kamu mimataku’ bang susito? Tae’paraka mikatonganni?

2 KORINTUS 7:5

Belanna iatongki rampomo dio Makedonia, tae’ nasikita kapelayoan tu kaleki, sangadinna disussai bangkan lan mintu’na, dio mai salian den kadiboboran, lan penaangki den kamatakuran.

1 SAMUEL 16:1

Ma’kadami tu PUANG lako Samuel, Nakua: Sangapapoko la masse penaammu ungkilalai Saul, tu mangkamo Kutumpu, kumua damo nadatui tu to Israel? Issiimi minna’ tu tandukmu, ammu male, belanna la Kusuako male lako Isai, to Betlehem, belanna dio mai mintu’ tu anakna muane Kutonnoran Kaleku misa’ datu.

1 SAMUEL 16:13

Naalami Samuel tu tanduk nanii minna’, anna bolloi lan tangngana mintu’ siulu’na. Natamaimi PenaanNa PUANG tu Daud randuk allo iato anNa tontong dio kalena. Mangkato ke’de’mi tu Samuel anna sule lako Rama.

1 SAMUEL 20:3

Umpalaomi sumpa tu Daud nakua: Naissan tongan ambe’mu kumua muporai tonganna’. Iamoto nama’tangnga’ nakua: Tae’ nala dipaissanni Yonatan te iannate, da napomasussai. Apa la tilelukraka tuoNa PUANG sia tuomu, manassa sangpentengkanri alla’ku na kamatean.

1 SAMUEL 22:5

Ma’kadami nabi Gad lako Daud, nakua: Da’ mutorro lan tambakuku iate, sangadinna tileleko lako tondok Yehuda. Tilelemi tu Daud, anna rampo tama pangala’ Keret.

1 SAMUEL 23:17

Nakuami lako: Da mumataku’ belanna iatu limanna Saul, ambe’ku, tae’ nala ullambi’ko sangadinna inang iko la undatui Israel na aku ma’penduan dio mai kalemu. Naissan melo ambe’ku Saul tu iannato.

1 SAMUEL 25:30

Iake napogau’mi PUANG lako kalemi tu mintu’ kameloan naallurangkomi sia Naangka’komi dadi arungna to Israel,

1 SAMUEL 26:19

Totemo la naperangii puangku te kadangku. Iake PUANG umpatudu puangku la umbalina’, melo dirambu pemala’; apa iake tolino, naruamira tampak ropu tu tau iato mai dio oloNa PUANG, belanna naula’imo’ totemo, kuurunganni sikalangkamo mana’Na PUANG, nakuami ma’kada: Malemoko umpenombai deata senga’.

1 SAMUEL 29:2

Iatonna lendu’ tu mai arung kota to Filistin sola to budanna ma’ratu’ sia massa’bu sia Daud sola mintu’ taunna undi sola Akhis,

1 SAMUEL 29:3

ma’kadami mintu’ pangulunna surodadu to Filistin, nakua: Ma’apari tu mintu’ to Ibrani indete? Nakuami Akhis lako mintu’ pangulunna surodadu to Filistin: Tangiaraka Daud te, taunna Saul, datu to Israel, tu taun iate, sia ba’tu sangapa-apamo masainna kusisolan, na moi misa’ salana tae’ kuapparan temponna messarak lako kita sae lako allo iate.