1 SAMUEL 26:8 - Sura' Madatu

⁸ Nakuami Abisai lako Daud: Allo ia duka te Nasorongi Puang Matua tu ualimmi tama limammi. Da’ito kupissanni kurok doke iate anna silinda’ padang, da kupenduanni kurok.

1 SAMUEL 26:8 ပူးပေါင်းရင်းမြစ်များ

2 SAMUEL 16:9

Attu iato ma’kadami tu Abisai, anakna Zeruya lako datu nakua: Ma’apari natampakkira ropu puangku datu tinde asu mate? Da’ito kumale lian angku sembangi tu ulunna.

PA’PUDIAN 31:8

La umpomela’tekna’ sia umpoparannu kamasokanamMi, belanna Mitiromo tu kamandasangku, sia Miissanmo tu kamaparrisanna deatangku.

YEREMIA 40:15

Mangkato ma’kada bunimi tu Yohanan, anakna Kareah, lako Gedalya dio Mizpa, nakua: Da’ito kumale umpatei tu Ismael, anakna Netanya, na moi misa’ tau tae’ unnissanni; ma’apai anna la umpateikomi, sisarak-sarak manii tu mintu’ to Yehuda, tu mangka sirampun lako kalemi, anna sanggang tu mintu’ to torro dio mai to Yehuda?

NAHUM 1:9

Moi apa tu mitangnga’ la unnea PUANG, Nasanggangi duka, tae’ napenduanni bu’tu tu kadipapussakan.

ROMA 11:32

Belanna Nakurung nasangmo Puang Matua tama katangma’perangian, kumua anna mintu’i Nakamasei.

PA’TOLE 32:30

Umba nakua tu misa’ tau ma’din unnula’ uali sangsa’bu sia da’dua tau umpapallai tau sangpulo sa’bu, iake tae’i Nabalukanni Buntu batunna sia tae’ Napopa’elo’nai PUANG tu tau iato?

YOSUA 21:44

Nakamaseimi PUANG karapasan tiku lao tu tau iato mai, susitu mintu’na mangka Naallu’ Napalaoi sumpa lako nene’ to dolona; moi misa’ ualinna tae’ unnattai bendan, dio tingayona; iatu mintu’ ualinna Nasorong PUANG tama kuasanna.

TO PARENGNGE’ 1:4

Ke’de’mi tu Yehuda, Nasorongi PUANG tu to Kanaan sia to Feris tama limanna, nataloi tu tau sangpulo sa’bu dio sikandappi’ Bezek.

1 SAMUEL 23:14

Torromi tu Daud dio lu padang pangallaran lan lu tambakuku, sia torro dao lu buntu lan padang aak Zif. Nalan mintu’ allo iato nadaka’ Saul, apa tae’ Nasorongi Puang Matua tama limanna.

1 SAMUEL 24:4

Rampomi lako barung domba dio lu biring lalan. Denmi inde to dio tu misa’ lo’ko’; anna tama tu Saul la ma’to’kayu. Iatu Daud sola mintu’ taunna unno’ko’ lan lo’ko’ iato dio inan ringki’na lan.

1 SAMUEL 24:5

Nakuami tu taunna Daud lako Daud: Allo iamote tu mangka Napokada PUANG lako kalemi, kumua: La Kusorong tu ualimmu, tama limammu ammu pogau’i situru’ lalan penaammu. Ke’de’mi tu Daud anna pela’-pela’i usse’pa’i tu biring bayu lamba’na Saul.

1 SAMUEL 26:23

Na PUANG pantan la umpapakkanni tu kamaloloanna sia kamarurusanna, belanna PUANG ussorongkomi lako kaleku allo iate, apa manokana’ umpata’pai lima tu to Natokko PUANG.

1 SAMUEL 26:7

Rampomi tu Daud sola Abisai lako mintu’ surodadu iato tonna bongi; iatu Saul mamma’ lan to’ tenda dikampai sia iatu dokena tipennosok rokko padang dio to’ ulunna, sia iatu Abner sola mintu’ surodadu mamma’ umparitangngai.

1 SAMUEL 26:9

Apa nakua Daud lako Abisai: Da musanggangi tu datu, belanna mindara tu umpata’pai lima tu to Natokko PUANG, anna torro masero dio mai kasalan?