1 SAMUEL 26:6 - Sura' Madatu

⁶ Ma’kadami Daud lako Ahimelekh, to Het sia lako Abisai, anak Zeruya, siulu’na Yoab, nakua: Minda morai kusolan solo’ rokko Saul, lako to’ tenda iato mai. Mebalimi Abisai, nakua: Aku tu morai solo’ ussisolangkomi.

1 SAMUEL 26:6 ပူးပေါင်းရင်းမြစ်များ

KADADIAN 10:15

Kanaan undadian Sidon, iamo anak pa’bunga’na na Het,

KADADIAN 15:20

sia to Het sia to Feris sia to Refaim,

KADADIAN 23:3

Bendanmi tu Abraham dio mai to’ batang rabukna bainena, anna sipa’kada to Het, nakua:

KADADIAN 26:34

Nasusi to, iatonna patangpulomo taunna tu Esau, umpobainemi Yudit, anakna Beeri, to Het, sia Basmat, anakna Elon, to Het.

2 SAMUEL 11:21

Mindara umpatei tonnanu’ tu Abimelekh, anakna Yerubeset? Tang baineraka misa’ umpapa’nakki batu pangrissoan daona lu dao mai benteng tembo’, naurunganni mate dio Tebes? Ma’apai ammi reke’ maro’i susito tu benteng? La mikua mebali: Iatu taunta Uria, to Het, mate dukamo.

2 SAMUEL 11:24

Attu iato mintu’ to ma’pana umpanakan dao mai benteng naurungan mate ba’tu pira-pira tu taunna puangku sia ia duka tu taummi Uria, to Het, matemo.

2 SAMUEL 11:6

Iamoto nasuai Daud tu tau male lako Yoab, nakua: Suai Tu Uria, to Het, sae lako kaleku. Nasuami Yoab tu Uria male mennolo lako Daud.

2 SAMUEL 12:9

Ma’apai ammu tapa’ bangi tu kadanNa PUANG, ammu pogau’i tu apa kadake dio pentiroNa? Mupesuan umpatei pa’dang tu Uria, to Het, ammu pobainei tu bainena, sia kalena mupatei pa’dangna to Amon!

2 SAMUEL 18:5

Ma’kadami tu datu lako Yoab sia Abisai sia Itai, nakua: Kanana’i tu Absalom, to mangura iato. Narangimi surodadu tu kadanna datu lako mintu’ kamandang diona Absalom.

2 SAMUEL 2:13

Tassu’ dukaomi tu Yoab, anakna Zeruya sola surodadunna Daud, anna sitammu dio limbong Gibeon; pada torromi tu tau iato mai, misa’ rampe lakona na misa’ rampe indena mai limbong iato.

2 SAMUEL 2:18

Dio duka ren tu tallu muane, anakna Zeruya, iamotu Yoab, Abisai na Asael; iatu Asael malinta’ susi donga dio lu padang.

2 SAMUEL 23:18

Iatu Abisai, siulu’na Yoab, anakna Zeruya, iamo pangulunna tu tau tallu. Na iamoto tu unnea doke tau talluratu’, napatei nasangi. Iamoto natarompo’ dio to tau tallu.

2 SAMUEL 23:34

na Elifelet, anakna Ahasbai, anakna misa’ to Maakhati; na Eliam, anakna Ahitofel, to Gilo;

2 SAMUEL 23:39

na Uria to Het; mintu’i sola nasang tallungpulo mpitu.

1 DATU 10:29

Iatu misa’ kareta dio mai Meisraim, ke saei dibaluk dilampak tu allinna annan ratu’ sikele’, anna misa’ darang saratu’ limangpulo sikele’; sia nabalili dukato ma’balilinna Salomo pira lako mintu’ datu to Het sia datu to Aram.

2 DATU 7:6

Belanna Napa’perangiammo Puang lako surodadu to Aram tu ongngo’na, ba’tu pira-pira kareta sia gumaluntu’na darang sia arrakna sangtuntunan kapua surodadu, naurungan pantan sipa’kada tau iato mai: Manassa nasaroi datu to Israel tu datu to Het sia datu to Misraim unneaki’ sia la ullaoiki’.

YOSUA 3:10

Sia ma’kadapa tu Yosua nakua: Indeto la minii untandai kumua den tu Puang Matua matontongan lan lu tangngami sia manassa Iamo la urrambai tu to Kanaan, to Het, to Hewi, to Feris, to Girgasi, to Amori na to Yebus dio mai tingayomi.

1 SAMUEL 26:7

Rampomi tu Daud sola Abisai lako mintu’ surodadu iato tonna bongi; iatu Saul mamma’ lan to’ tenda dikampai sia iatu dokena tipennosok rokko padang dio to’ ulunna, sia iatu Abner sola mintu’ surodadu mamma’ umparitangngai.