1 SAMUEL 26:19 - Sura' Madatu

¹⁹ Totemo la naperangii puangku te kadangku. Iake PUANG umpatudu puangku la umbalina’, melo dirambu pemala’; apa iake tolino, naruamira tampak ropu tu tau iato mai dio oloNa PUANG, belanna naula’imo’ totemo, kuurunganni sikalangkamo mana’Na PUANG, nakuami ma’kada: Malemoko umpenombai deata senga’.

1 SAMUEL 26:19 ပူးပေါင်းရင်းမြစ်များ

KADADIAN 44:18

Saemi tu Yehuda umpetireke’i Yusuf nama’kada nakua: O puangku, simanna’ la umpokada sangbuku kada narangii talingammi, sia da nare’dek tu ara’mi lako kaunanmi, belanna samammi bangsia Firaun.

KADADIAN 8:21

Kendekmi busarungngu’na langan PUANG, anNa ma’kada lan penaanNa, kumua: Tae’mo angKu la untampakki ropu tu lino diona tolino, belanna tempon dio mai bitti’na kelok tu karangan inaanna, sia tae’mo angKu sabu’i pole’i tu angge menono’, susitu mangkanna Kupogau’.

2 SAMUEL 14:16

Belanna la naperangii datu tu palakungku anna rampananna’ dio mai limanna to la ussabu’ina’ sola anakku dio mai mana’Na Puang Matua.

2 SAMUEL 16:10

Apa nakua datu: La siapariki’, e anakna Zeruya? Da’ito natampakkina’ ropu! Iake Nakuai PUANG lako: Tampakki ropu tu Daud, mindaopa la ma’kada kumua: Ma’apai mupogau’i to?

2 SAMUEL 16:11

Sia nakuapa Daud lako Abisai sia lako mintu’ taunna: Akkenna anakku kalena, tu sun dikaleku la ungka’tu sunga’ku, apa pole’pa tu to Benyamin iate. Da’ito natampakkina’ ropu, ke susii kadanNa PUANG lako kalena to.

2 SAMUEL 20:19

Iate kami te misa’ tondok marampa’ sia maruru’ dio lu to Israel; midakarammo lalan la ussanggangi tu misa’ indo’ tondok dio lu tondokna to Israel; ma’apai ammi la ussabu’i tu mana’Na PUANG?

2 SAMUEL 21:3

Nakuami Daud lako to Gibeon: Apara la ma’din kupogaurangkomi sia apara la kunii umpaden pengkalossoran, ammi passakkei tu mana’na PUANG?

2 SAMUEL 24:1

Re’dek pole’omi ara’Na tu PUANG lako to Israel sia Nasarrang tu Daud la umpogau’i tu apa la naposanggang to Israel. Nakua: Maleko unnia’i tu to Israel sia to Yehuda.

1 DATU 22:22

Mebalimi nakua: La malena’, angku mempenaa bulituk lan pudukna mintu’ nabinna. Ma’kadami tu Puang Nakua: Manassa la munaran sia mubela umpogau’i to; malemoko, mupogau’i.

1 OSSORANNA DATU 21:1

Ke’de’mi tu deata bulituk la umpandasa to Israel, iamoto naa’panmi tu Daud, kumua naia’i tu to Israel.

PA’PUDIAN 120:5

Sumpu sumandakku! Belanna susina’ to mempue dio Mesekh, sia sangtinti to torro dio lu tendana Kedar.

PA’PUDIAN 20:4

Sia ungkilalai mintu’ pemala’mi, sia umpopaiman mintu’ pemala’ ditunu pu’pu’mi. Sela

SARAMBU PEADA’ 30:10

Da mupa’pekabirisanni tu misa’ to mengkarang lako puangna, anna da nagataiko sia mutanggung kalena tu salana.

YESAYA 60:5

Attu iato la mutirro sia la dukku-dukku tu rupammu situang kaparannuan, iatu penaammu la tiakka’ parannu kapua, belanna iatu kasugiranna tasik ma’palulakomo kalemu sia iatu iananna mintu’ bangsa la rampo duka lako kalemu.

SURA’ KATOMINAAN 26:31

Iatu mai kotami la Kupadaun lauanmo sia la Kusanggang tu inan maindanmi sia manokaMo’ unnudukki tu bau busarungngu’na tu apa la mitunuanNa’.

KADIBILANGAN 36:7

Belanna iatu misa’ taa mana’na to Israel tae’ na la lele dio mai misa’ suku lako senga’na, apa iatu to Israel la pantan manda’ bang umpoapai tu taa mana’na suku nene’ to dolona.

KADIBILANGAN 36:9

Belanna iatu taa mana’ tae’ na la lele dio mai misa’ suku lako senga’na, apa iatu to Israel la pantan manda’ bang umpoapa taa mana’na.

ROMA 14:15

Belanna iake diona kande iato anna masussa tu siulu’mu, tangiamo lalan kasiala-masean muola. Da nadiona tu kande mukande munii ussanggangi, tu to mangka Napomate Kristus.

GALATIA 5:12

Kenna umbalianniora kalena tu mintu’ to umpatilalak penaammi.

PA’TOLE 13:3

da muperangii tu kadanna nabi ba’tu to mangimpi iato, belanna iatu PUANG, Kapenombammi, untobakomi la untandai, kumua ba’tu la ponnoi penaammi sia kalebu deatammi ungkamali’i tu PUANG, Kapenombammi.

2 TIMOTIUS 4:14

Iatu Aleksander, pande tambaga, lendu’mo kakadakean napogau’ lako kaleku; Puang la umpapakkanni lako kalena tu sitinayanna penggauranna.

1 SAMUEL 18:10

Iatonna masiangmo dio mai ta’pa natamaimi penaa kadake lu dio mai Puang Matua tu Saul, naurunganni susito bomboan lan tongkonan layukna; nadedekmi Daud tu katapinna susi biasanna kiallo-kiallo. Iatu Saul untoe dokena.

1 SAMUEL 24:9

Mangkato ke’de’omi tu Daud nasun lan mai lo’ko’; metambami dio mai boko’na Saul, nakua: O puangku, o datungku! Messailemi tu Saul; menombami tu Daud anna tukku sae rokko padang.

1 SAMUEL 25:24

menombami rokko to’ lentekna, anna ma’kada, nakua: Akumo umpassanni tu mintu’ sala; apa elorampa’ dikka’ sipa’kada puang sia naperangiipi puang te kadangku.

1 SAMUEL 27:1

Undinnato ma’tangnga’mi Daud, nakua: Ba’tu umbami allo anna sanggangina’ Saul. Tae’ senga’na tu la kupomelo, sangadinna la malena’ umpentilindungan kaleku lako to Filistin; iake susito, manassa natoreimo Saul undaka’na’ lan mintu’ lili’na tana Israel sia tilendokmo’ dio mai limanna.