1 SAMUEL 26:12 - Sura' Madatu

¹² Naalami Daud tu doke sia busso dio mai to’ ulunna Saul, anna male sola duai, na moi misa’ tau tae’ untiroi ba’tu untandai sia moi misa’ tau tae’ pana’ding, sangadinna mamma’ nasangi, belanna Napamamma’ kalupi-lupian PUANG tu tau iato mai.

1 SAMUEL 26:12 ပူးပေါင်းရင်းမြစ်များ

KADADIAN 15:12

Iatonna lambunmo allo, ta’kala mamma’mi tu Abram, natarru’ leppengna narampoimi katirambanan sia nakabu’ kamapattangan kapua.

KADADIAN 2:21

Napamamma’ kalupi-lupiammi PUANG Kapenomban tu tolino, anna leppeng Naalami tu usukna sangbamban, Napakemunni duku’ tu pangalaian.

ESTER 6:1

Bongi iato pa’demi tu tikkaru’du’na datu. Mesuami umpopebaai tu sura’ kapengkilalan, iamotu sura’ ossoran, anna basai tau iato mai dio olona datu.

YESAYA 29:10

Belanna Naparampoimokomi penaa mamma’ kalupi-lupian PUANG sia Naparappak tu matammi, – iamotu mai nabimmi – sia Nabungku’ tu ulummi, – iamotu mai to patanda-tandammi.

1 SAMUEL 24:4

Rampomi lako barung domba dio lu biring lalan. Denmi inde to dio tu misa’ lo’ko’; anna tama tu Saul la ma’to’kayu. Iatu Daud sola mintu’ taunna unno’ko’ lan lo’ko’ iato dio inan ringki’na lan.

1 SAMUEL 26:13

Iatonna rampo Daud lian rampe lakona, bendanmi dao botto buntu, mambela lako, naurungan sikambela kasiallaranna.

1 SAMUEL 26:7

Rampomi tu Daud sola Abisai lako mintu’ surodadu iato tonna bongi; iatu Saul mamma’ lan to’ tenda dikampai sia iatu dokena tipennosok rokko padang dio to’ ulunna, sia iatu Abner sola mintu’ surodadu mamma’ umparitangngai.