1 SAMUEL 26:11 - Sura' Madatu

¹¹ Napatoyangmora’ PUANG la umpata’pai lima tu to Natokko PUANG. Totemo alami tu dokena tu dio to’ ulunna sia iate busso, anta male.

1 SAMUEL 26:11 ပူးပေါင်းရင်းမြစ်များ

2 SAMUEL 1:14

Nakuami Daud lako: Ma’apai natae’ iko mumataku’ umpatikambe limammu la ussanggangi tu to Natokko PUANG?

2 SAMUEL 1:16

Nakuami Daud lako: Iatu raramu ma’indo’ dio iko kalemu, belanna pudukmu kalena ussa’biiko, nakua: umpateina’ to Natokko PUANG.

2 SAMUEL 19:22

Apa nakua Daud: La siapariki’, e anakna Zeruya? Belanna allo iate dadikomi to umbalina’. Ma’apai anna la den misa’ tau dipatei allo iate dio lu to Israel. Belanna inang kuissan, kumua allo iate dadi pole’mo’ datu lako mintu’ to Israel.

PA’PUDIAN 17:4

Diona penggauranna mintu’ tolino, susitu kada sun dio randan pudukMi, angku toyangammo kaleku dio mai mintu’ lalanna to patoro’ buku.

ROMA 12:17

Da mipasipakkan kakadakean lako misa’ duka tau. Karitutui tu kameloan dio tingayona tau.

ROMA 12:19

E pa’kaboro’ku, da anna kamu kalena ma’pasibalaran, sangadinna pakampai kasengkeanNa Puang Matua, belanna den disura’ kumua: Aku umpoissanni tu pepakkan; Akumote tu la umpapakkanni, kadanNa Puang.

1 PETRUS 3:9

da ammi papakkanni kakadakean tu kakadakean, ba’tu sere kada dipakkanni sere kada, sangadinna palakuanni karongkosan, belanna iannamorato tu ditambangkomi, kumua ammi pomana’ karongkosan.

1 SAMUEL 12:3

Totemo ma’diorenmo’. Pamatu’tunmi lako kaleku dio oloNa PUANG sia dio olona to Natokko, kumua: mindamora sapi kuala, mindamora keledai kuala sia mindamora kupakario-rio sia mindamora tu tang kupaolai salunna? Sia mindamora lima kunii untarima pappe’ kuurunganni untutu’ matangku diona kara-karana? Iake denni susinnato la kusondai sule lako kalemi.

1 SAMUEL 24:12

Tiromi, o ambe’ku, tiromi tu biring bayu lamba’mi lan limangku! Iatongku se’pa’i tu biring bayu lamba’mi, tae’ kupateikomi, iamoto minii untiroi sia unnissanni, kumua tae’ kutangnga’ kadake sia kelok sia tae’ duka kusala lako puangku; apa undaka’komi lalan la ungka’tu sunga’ku.

1 SAMUEL 24:4

Rampomi lako barung domba dio lu biring lalan. Denmi inde to dio tu misa’ lo’ko’; anna tama tu Saul la ma’to’kayu. Iatu Daud sola mintu’ taunna unno’ko’ lan lo’ko’ iato dio inan ringki’na lan.

1 SAMUEL 24:6

Apa iatonna mangkato, inang ma’rundede duka tu penaanna Daud, belanna mangkamo nase’pa’i tu biring bayu lamba’na Saul.