1 SAMUEL 26:10 - Sura' Madatu

¹⁰ Sia nakuapa Daud: La lelukraka tuoNa PUANG, manassa la nasanggangi PUANG; ba’tu la nalambi’mi lampakna, naurungan mate, ba’tu malei parari anna dipatei.

1 SAMUEL 26:10 ပူးပေါင်းရင်းမြစ်များ

KADADIAN 47:29

Iatonna la madomi’ mate tu Israel, natambaimi tu Yusuf, anna ma’kada lako, nakua: Iake mupakaboro’na’, padiongi to’ garonto’ pupungku tu limammu sia pogau’ko kameloan sia kamarurusan lako kaleku, sia da mupeliang indena’ Mesir.

AYUB 14:14

Iake matei tu misa’ tau la tuoraka sule? Iake susito, la ma’rannuanna’ lan mintu’ allo kamara’tasangku, sae lako saena tu passondaku.

AYUB 14:5

Iake dipamanassami tu allona, sia iatu bilanganna bulanna dipatantumo dio oloMi sia Milampakmo tu anggenna, tu tae’ nama’din nalendu’i,

AYUB 7:1

Tang mandu mara’ta’raka tu tolino dao kuli’na padang, tang susiraka allona tosumaro tu katuoanna?

PA’PUDIAN 37:10

Belanna sattu’mora anna lanna’ tu to tang mekaaluk; iake mupasilelei mata tu inanna, tae’mo ditiro.

PA’PUDIAN 37:13

Apa la Napetaai Puang, belanna Natiro tu allo sumandakna la sae.

PA’PUDIAN 94:23

Ia umpapakkanni kabulitukanna tau iato mai, sia Ia la ussabu’i sola nasangi lan kakadakeanna, pissanmito la Nasabu’i PUANG Kapenombanta tu tau iato mai.

TOMANGADA’ 3:2

Den tu attu kakianakan sia den tu attu kamatean, den tu attu mantanan sia den tu attu manglampi’.

LUKAS 18:7

Tae’raka nala umpakaloloi Puang Matua tu kara-karana mintu’ to Napilei, tu napalakunna nametamba-tamba lako keallo kebongi sia maremparaka ungkilalai tu tau iato?

ROMA 12:19

E pa’kaboro’ku, da anna kamu kalena ma’pasibalaran, sangadinna pakampai kasengkeanNa Puang Matua, belanna den disura’ kumua: Aku umpoissanni tu pepakkan; Akumote tu la umpapakkanni, kadanNa Puang.

PA’TOLE 31:14

Ma’kadami tu PUANG lako Musa, Nakua: Mandappi’mo tu sunga’mu; iamoto tambaimi tu Yosua, mimale mibendan sola lan Tenda Kasitammuan, angKu benni parenta. Attu iato malemi tu Musa sola Yosua tama Kema Kasitammuan anna bendan lan.

PA’TOLE 32:35

Aku puangna tu pa’pabala’ sia pa’papakkan, iake la attunnami tilende’ tu lette’na, belanna iatu allo kasangganganna mandappi’mo, sia madomi’mo mengkareke’ tu apa dipamanassanni.

IBRANI 10:30

Belanna tatandai tu To mangkamo ma’kada kumua: Akumo untoe pepakkan; Aku duka tu ma’papakkanni, sia Nakua siapa: Puang tu la umpaolai salu tu taunNa.

IBRANI 9:27

Susitu tolino manassamo den pissan nala mate, namangkato namane dipaolai salunna,

KADA OMBO’ LAKO RASULU’ YOHANES 18:8

Iamo bannangna to nalan sangallori nanii la bu’tu tu kamaparrisanna, iamotu kamatean, katumangiran sia ra’pak padang, sia la ditunu api, belanna mawatang tu Puang Matua, tu Puang umpaolai salunna.

1 SAMUEL 24:12

Tiromi, o ambe’ku, tiromi tu biring bayu lamba’mi lan limangku! Iatongku se’pa’i tu biring bayu lamba’mi, tae’ kupateikomi, iamoto minii untiroi sia unnissanni, kumua tae’ kutangnga’ kadake sia kelok sia tae’ duka kusala lako puangku; apa undaka’komi lalan la ungka’tu sunga’ku.

1 SAMUEL 24:15

Mindara tu nalaoi datu to Israel? Mindara tu naula’ puangku? Misa’ asu mate sia misa’ talla!

1 SAMUEL 25:26

Totemo, o puang, la tilelukraka tuoNa PUANG sia tuona puangku, manassa PUANG undampakomi tobang rokko kasalan umpatibollo rara sia untuntun kalena bang katonganammi. Nasusimora Nabal tu mintu’ ualimmi sia iatu mintu’ to undakarangkomi kadake.

1 SAMUEL 25:38

Iatonna agi-agimo sangpulo allona lendu’na Napata’paimi lima PUANG tu Nabal, anna mate.

1 SAMUEL 25:39

Iatonna rangimi Daud, kumua matemo tu Nabal, ma’kadami nakua: Mintu’na kapudian lu langngan PUANG tu untuntunanna’ kara-karaku sia umpakkanni lako Nabal tu kanalo’boangku sia Nadampamo tu taunNa la umpogau’ kadake sia iatu kakadakean Napasule PUANG langngan ulunna Nabal. Mangkato nasuami Daud tu tau male sipa’kada Abigail umpokadanni, kumua la napobaine.

1 SAMUEL 31:4

Ma’kadami Saul lako bentarana, nakua: Nonokki tu pa’dangmu, mutobokna’, ke da duka na iate to tang disunna’ sae untobokna’ sia unna’ga-a’gana’. Manokami tu bentarana, belanna lendu’ mataku’na la umpogau’i to, iamoto naala kalenai Saul tu pa’dang, anna songkanni tu kalena rokko.

1 SAMUEL 31:6

Pada matemi Saul tu anakna tallu sia bentarana sia surodadunna to allo ia dukato.